2 Vaiaso o Ta’aloga a le Fanau - DWYA Pago Pago


O se va’aiga i le iviga o le pi’iga i le va o Tom ma Tafili i le gymnasium a le DYWA i le aso Tofi na te'a nei. [ata: Leua Aiono Frost]

O se va’aiga i le fanau sa auai i ta’aloga i le aso ananafi. Auai fa’atasi ma i latou uma o Laufali o ta’aloga ma le Fa’atonu o Ta’aloga a le Matagaluega o Tupulaga ma Tina a le tatou Malo. [ata: Leua Aiono Frost]
ausage@samoanews.com

E mae’a i le aso le vaiaso muamua o ta’aloga lautogia na fa’atulaga e a’oa’o ma fa’amalositino ai fanau talavou, e amata mai le vasega muamua sei’a i le fanau a’oga maualuluga, i le Faleta’alo a le Malo i Pago Pago.

 

O le toe vaiaso lea o le a sau, e amatalia fo’i i le aso Lua ona talia le fanau e ulufale i nei ta’aloga, e aoga e iloa ai tulafono o nei ta’aloga, agava’a ai mo tauvaga i a’oga ma autalavou estese i le atunuu, ae maise e fa’amalositino ai i lenei vaiata fiatai.

 

O ta’aloga o lo’o fa’atautaia i aso ta’itasi e aofia ai le Pi’iga Fa’apolofesa, Volleyball ma le Basketball, ae malolo tau i le a’oa’oga o tulafono ma tomai fa’asikauti. E le gata foi i lea, ae ua faatonutonu fo’i le fanau ina ia maua’a o latou fa’amoemoe i ituaiga ta’aloga e agava’a ai mo le avea i taimi e o’o ai latou a’oa’oga i Kolisi ma Iunivesite, ina ia mautinoa e fesoasoani i le totogia o latou pili mo a’oa’oga maualuluga.

 

E tusa ai ma se fa’amatalaga a le ali’i Fa’atonu o Ta’aloga a le DYWA, Ethan Lake, “O lenei taumafaiga, ina ia atoatoa le tapenaga a le fanau a’oga i o latou olaga ta’a’alo ma tausinio i a’oa’oga fa’apitoa e fa’aleleia atili ai lo latou tomai i ta’aloga nei ua matele ina fiafia i ai alo o Amerika Samoa. A le motusia a tatou koleniga ma ta’a’alo tausinio i nei fa’agatama, e mautinoa lava e tuia’i mai lo latou agave’a ua i le la’asaga e mafai ai ona tauva ma fanau o lo’o soifua ane i isi setete o Amerika.”

 

O lenei taumafaiga ua faia i vaitau e matele ina manatu nisi o tupulaga e auai ai i ta’aiga sese, ma a’afia ai o matou soifua i ala o fiafiaga e le’i taitai ona fetaui ma o tatou soifua talavou. O lea ua timai mai ai le matagaluega o Tupulaga ma Tina, “Fa’amalosi mai matua, fa’aoo mai o outou fanau i le tatou faleta’alo i Pago Pago i le itula 7:30 i le taeao o le aso LuaTesema 27, 2016 ina ia auai i lenei fo’i polokalama taua, ua fa’atula’ia mo le latou atamai i ta’aloga ma fautuaina ai fo’i i latou mo ni a latou filifiliga tatau i lo latou lumana’i.”

 

I le itula e 9:00 i le taeao seia oo i le itula e 11:00am e faia ai Pi’iga Fa’apolofesa, ona soso’o lea ma Volleyball i le itula e 12:00pm seia oo i le 2:00pm, ae fa’ai’u i le ta’aloga Basketball mai le itula e 3:00pm seia oo i le itula e 5:00pm.

 

I le ulua’i vaiaso na amata mai le aso Lua o to’atele le fanau, peita’i, ina ua timuga ma louloua mai le taeao, ua fa’apea fo’i ona tau le o mai le fanau. E ui o lea, o lo’o matua nofo sauna lava le aufaigaluega totofi mo le laufaliina o ta’aloga ma le fa’atonutonuga o le fanau ia iloa tulafono o ta’aloga.

 

Mo Pi’iga Fa’apolofesa, ua mae’a agavaa ai Lake e fa’atautaia nei ta’aloga mo le fanau, ma e fa’apaga lava le fanau e tutusa lelei latou tausaga. O le mea fo’i lea e ala ai ona taumafai e fa’atauva i latou, ia oo ane i le taimi e tauva ai i a’oga, ae o lo ua maua’a latou tomai i le volleyball ma le Basketball.

 

“O le fa’anaunauga lea e i ai o le DYWA, ia matua lelei tapuia mai le atamai o fanau i ta’aloga ina ia lelei ni ‘au mo le atunu’u e auina atu i ta’aloga a le Pasefika po’o le Oceania ma le Olympics i le isi tausinioga o soso’o mai,” ose tala lea a Lake.

 

I le taumafaiga lenei, e le na’o le DYWA ua latou taumafai ina ia fa’atautaia, ua aofia ai ma le DOE vaega a le Guidance Counseling, AS Amateur Wrestling Association, ASVBA, ASBA fa’apea ma le Boys Scouts of America. Mo se fesili telefoni: 644-2835.

Comment Here