# Argosy

O se vaaiga i nisi o le au fa'au'u mai le Fa'au'uga 2017 a le Argosy University na faia i le Gov. Rex Lee Auditorium i Utulei i le taeao o le aso Faraile na te'a nei.

[ata: Leua Aiono Frost]

E to'a 109 i latou ua maua tusi pasi ma ua fa’au’u i lenei tausaga Argosy University i Amerika Samoa, peita'i e to'a fa i latou na sailia i nisi Iunivesite, ma na latou filifili e fa'aaogaina le laina a le Argosy e taua'ao aloaia ai latou tusi pasi.

O i latou nei e aofia ai: Fuatino L. Solaita mai le Iunivesite o Chaminade i Hawaii i lona fa'ailoga o le Master of Business Administration; Tolua Christie Tavai mo lona failoga o le Master in Business Administration mai le Iunivesite o Devry ma sui e to'alua mai le Walde University o Sofa'i Falelua i lona fa'ailoga ole Masters of Science in Criminal Justice ma Cathryn E. Su'a i lona fa'ailoga o le Master of Science in Education.

E ese mai le to'a tolu o i latou na sailia fo'i o latou fa'ailoga Associate of Science in Business Administration, Margeret V. Aoelua-Danielson, Rosary Heavenly Letuli ma Jowella Tululautu Fung Chen Pen, e to'a 52 e na taua'aoina tusi pasi  Bachelors ma le to'a 43 o i latou mo le fa'ailoga o le Masters.

O le fa'aeagasili sa fa'ailo i lea aso, o le to'alima o i latou na taua'aoina fa'ailoga Doctrate. O i latou nei:

• Johnny Siaumau Mapu  i lana pepa fa'apitoa “An Exploratory Study of the Social, Economic, Political and Cultural Impact of Immigrants in American Samoa” ma sa iloiloina e Dr. Dauoleola Tanu

• Lisa Tasi Vasai Mapu i lana pepa na tapena “Professional Decision Making Process for Educational Leaders in American Samoa”, ma sa iloilo e Dr Sauoleola Tanu

• Sheri Saeni Vasai-Ta'ase i lana pepa na tapena i ai, "Employment Retention in the Public Schools of American Samoa Through Leaders' Perspective," ma sa auiliilia lea e Dr. Sauoleola  Tanu

• Lealofi Se'au i lana pepa na saunia o le "In What ways do parents stay involved with Children in Academic Performance in American Samoa Public Elementary Schools?" ma sa iloilo e Chair: Dr Pamela Peralta.

• Usoali'i Fai'ai Jr i lana pepa fa'apitoa, "A study Invesigating Young Adults and Adults who have Dropped Out of High Schools in American Samoa” sa iloilo e Chair Dr. Pamela Peralta.

I le fa’auuga, na saunoa le susuga le Faifeau Rev. Uinifareti Mamea ma ia siitia le tatalo fa'afetai ona o lea to'atele o alo o le atunu'u, ua fa'aiu ma le manuia a latou taumafaiga, tau le a'oa'oga, ma ua fa'aea fo'i i aiga ma le atunu'u ina ia si'itia le tomai fa'apitoa e tautua ai le atunu'u lautele ma ona tagatanuu uma.

Na saunoa le Peresetene o le Argosy Hawaii -Pacific, e aofia ai Amerika Samoa, Dr Warren Evans Ph.D. ma ia fa'ailoa ai lona agaga fiafia, "Aua o a'u ua avea nei ma se tagata nu'u Samoa, ua ou iloa lelei le agaga o Samoa i a latou tapua'iga i le Atua, le aganu'u fa'aaloalo ma le pulea o amio, fiafia tele e pepese i vi'iga o le Atua ma ua tausinio fo'i i le fia maua o le poto lautele."

I le au fa’au’u, "Ua fa'ateleina lo outou fiafia e tausaili le atamai ina ua outou le tu'ua o outou aiga, ae o lava i a'oga ma toe taliu atu i aiga o lo'o fa'atali mai i le fale, ua le motusia lea mafutaga mafana i totonu o li'o o aiga, ua fa'aosofia atili ai lo outou naunau e faamae'a a outou kosi o tausailia ai fa'ailoga maualuluga. Lea ua to'atele mai outou ua umia tusi pasi Bachelors ma Masters, ma ua fa'asolo fo'i i Doctorates."

Sa ia toe tepa i le amataga ma ia fa'ailoa ai, "Na o mai lava le Argosy ina ia fesoasoani i le fanau a'oga na latou fa'ailoa atu lo latou fia maua o avanoa fa'apenei e tausailia ai tusi pasi maualuluga a'o nonofo pea i aiga. Matou te le'i o mai ina ia fa'atauva i le ASCC, peita'i, e fesoasoani i le ASCC.”

Ua ia fa'ailoa fo'i, o lenei le toe tausaga ua fa'atautaia ai le sauniga e le Argosy, aua ua fa'atauina nei le Iunivesite e se tasi o Kamupani ma o lea kamupani e va'ai toto'a i tulaga tau pisinisi e fa'atautaia e i latou fa'atasi ma a'oa'oga maualuluga.

O le saunoaga a le Lutena Kovana na soso'o ai ma sa ia fa'ailoa lona agaga fa'afetai i le tupulaga na saili atamai lea ua fa'aeaina aiga ma ua fa'afiafiaina le atunu'u, aua ua amata ona popoto le aufaigaluega a le malo. Ua ia taga'i atu i le lisi o le vasega fa'au'u, ona ia saunoa lea, "Ua matauina o le to'atele o outou o lo'o faigaluega ma o i le a'oga. O lona uiga o outou ia masalo e muta le faigaluega i le itula e 12:00 ae o le 12:30 i le 4:00 o le taimi lea e fai ai tou meaaoga. O lona uiga, o le tusipasi ua umia e i ai le vaega a le Malo." E to'atele na soisoi, ae talosia e le fa'aaogaina le poto ua maua e toe tete'e atili ai i le malo.

Na ia lu'ia le vasega fa'auu, i lana saunoaga na fa'auma ai lona avanoa, "O lea ua maua le tusi pasi maualuga, o le a la le isi la'asaga o le a mfuli atu i ai? Ia tutusa lava lou va'ai i mea tetele ma le mea ua i ou lima i le taimi nei.”

O le Fofoga Fa'apitoa o le Fa'u'uga, Dr Rosevonne Lorraine Makaiwi Pato, sa fa'aautu ai lana tautalaga, "Ia e aia le Rane lena e tu ma tilotilo mai ia te oe i taimi uma. O le rane o galuega uma lava e faigata ona faia ma fa'amae'a, a'o e maua le taimi. E uma loa ona e faia galuega uma na, o isi mea uma ua faigofie. E 20% galuega o rane i latou, ae a mae'a Rane na, e 80% o au galuega uma e pasia ai tusi pasi maualuluga, ua mae'a ona e sofa'ia i lalo ma manumalo mai ai."

O i latou na maua fa'ailoga Bachelors: Monica T. Afalava; Ashley Ahloo - Felise; Ta'avale F. Falelua; Metita Fanene; Eseta Eneliko Fono; Manila A. Kuka - Pelesasa; Salevu Lole; Salaevalu Lafionesemo Maeva; Daystar Raymond Parker; Sinatala M. Filoiali'i - Taito; Shanelle Loini Vivao-Tauiliili; Teleso Tui Jr.; Misifoa Umi; Betty Rossane Wells; Emmerine Salele'aalii Semou; Faiileono Fatumalala Leulua'iali'i Atualevao; Makanani E Auau; Lemapu P. Fairholt; Baby Clare Iti; Estelle Ramona Liulamaga; Janina Laumua Matagi; Leano Amata Pese; Filoi Samantha Sealii; Fetina'i Fa'agalulu Taitai; Sailiifalemanuoaiga Sabrina Uele, Visa Vaivai-Tapusoa; Meilani Bessie Ramona Aiono; Jane Wonita Atuatasi-Brcelona; Geneva Tooa Tafetee Soliai Fano; Christina M Fuala'au; Letisha Alofagia Vaivao Gaoa; Olita Laumua Lily Hollister; Natasha Ann Samalaulu Nomura McMoore; Belmira M. Meredith-Kupu; Margeret Faith Lilomaiava; Stefan Simou Sanitoa; Sinaretta Tiva Schwenke-Lavea; Pio Sele Jr.; Mikaele L. Senio; Puataunofo Mary Ann Tulafono; Toetu Auomanu; Eseta Fualefau; Omeka Theresa Gaisoa; Lui P. Maea; Papaaveloa Fa'aeseina Savali; AJ A. Tagaloa; Loia Sio Tagoa'i; Denise Loretta Thomsen; Afiafi Itula Tuisamatatele; Alesana Vaiaga'e; Veavea Mitchell Veavea; Bradley J. Voight.

Fa'ailoga Masters: Tina Esera; Saena Ierome Fruean; Mavaega Ronnie Fuimaono; Vaosefa Joyce Grey; {esio Mary Fetaomi Leilua; Vejle Samalaulu Maiava; Poto Lealaimatafao Matuu; Christina Nili; Sia Nehemiah Niupulusu; Otila Fa'anoi Paselio; Barry Bryant Patane; Pemarina J. Puni; Lagafuaina Semisi; Miracle Denise Sene; Sancia Savaliitoga Sopoaga; Lucille Helen Fanuaea Tuiasosopo; Andralaura Lydia Uitu-Tainamu; Savalialemaloolemau F. Vaega-Uikirifi; Fa'amanu Aileen Vaimauga; Na'a Vaiomounga ma Avondale Eseese Aulava-Uimaitua; Abigail Man-ha Asiata; Alesana T. Tuala; Talitoa Sitafine; Puaula Isopo; Jacqueline  B. Solaita; Seulata Alofisa Masina; Nyrese Kulia Pato; Jacqueline Josie Fung Chen Pen-Tivao;; Asomaliu S. Lotovale; Jordan Mathew Fanene; Deidra Siomia Harrington - Latu; Elijah Paul Mageo; Fa'amamata Solitaire Danira Meredith; Sylvia Rebecca Miscoi; Precious A Grohse Sesepasara; William Semo Sili; Robert Benjamin Toilolo; Faga Tuileiutu; Fuatino L. Solaita; Tolua Christie Tavai; Sofa'i Falelua ma Cathlyn E.Su'a.