Ua na'o ia, o Aviata na sola mai i le faasalaga na fai e Saulo le Tupu o Isaraelu, lea na feoti uma ai le 'au ositaulaga e 84, o ositaulaga ia na fesoasoani ia faasaoina o Tavita, ao tau su'e e Saulo ma fasioti.

Ua sosola i le vao ma le ofu lena o le (ephor) 'o le ofu o le faitaulaga e leai ni lima, ae pau lena o le ofu e fai muamua e le faitaulaga ona fai ai lea o si ofu i le tua.'

I le vaitaimi o Tupu Saulo, ua alu 'ese le Agaga o le Atua ia Saulo, ua faasolo atoa ona fai ai e Saulo le fasiotiga o osi taulaga, ma tagata ma masalomia e ia o loo latou faalafiina Tavita.

Ua masalosalo solo lava le loto fua faasolo atoa a Saulo, ua le talitonu lava i se tasi, e oo lava i ona fitafita e masalosalo ai le loto poo o le mea ua iloa le mea le la e i ai Tavita.

I le taimi na oti ai Saulo ma lona atalii o Ionatana i le taua, na se'e ane loa Tavita na Tupu ia Isaraelu ao Aviata le 'osi taulaga sili, o ia le 'osi taulaga sili ma o ia foi na 'au i le itu na i ai Tupu o Isaraelu i le faiga a Apisaloma, (lona atali'i.)

Ina ua matua le soifuaga a Tavita ma na fai loa lona filifiliga i a lona fanau, o i na na 'ese'ese ai loa mafaufauga a Tavita ma Aimeleka, ua mano'a Tavita ia Solomona ae mano'a Aviata ia Atonia.

Ia na avea lea o Solomona ma Tupu, ua fefinau 'ai foi lona mafaufau i lona tama o Tavita o le sa pele ia te ia o Aimeleka, ona faasaoina ona o lona mafaufau i lona tama.

I le vaiataimi o ta'avao solo lona tama o Tavita i vaitaimi o Tupu Saulo, a'o solasola solo i tua vao, ma luga o mauga ma ona 'au, ae sa faafaaolaina lava e le Atua ona ua tapunia uma lona alofa ia Saulo.

O le 'osi taulaga foi lea Aviata na i ai i le 'auvaega lea e si'ia le 'ato laau' pei ona tusia i le (1 Tupu 2:26) lea na fai iloa loa e ai, "Ua fai atu ai le Tupu ia Aviata le faitaulaga, 'Ina alu ia oe i Anatota i lau fanau, aua e tatau ona e oti; a ou te le fasiotia oe i nei ona po; aua na e ave le atolaau a le Alii le Atua i luma o lo'u tama o Tavita, aua foi na e tiga ai lo'u tama."

Na ave'ese uma mea na ia Aviata, ua le toe taua o le osi taulaga lea ua toe alu atu i lona nu'u o lona fanau i Anatota, aua o toe o ia le faitaulaga i luma o le Atua Soifua.

Ia silasila i le tusi o le Feagaiga Fou i le (Mareko 2:25-26), 'Ona fetalai atu lea o ia ia te i latou, "Faauta se a le mea latou te fai ai le mea na fau e Tavita, na ua leai ni ana mea, ua fia 'ai foi o ia atia ma i latou sa ia te ia; ua ulu atu o ia i le fale o le Atua i ona po o Aviata le ositaulaga sili, ua ia 'ai foi areto e laulauina i luma, ma avane i e sa ia te ia ? O mea e sa ona 'ai ai o se tasi, na o le au ositaulaga lava.'

I le taimi o i ai Aviata ma Satoka o osi taulaga sili uma na i le Atua, a'o Tupu Tavita i lena vaitaimi, Le tagata e tumau pea lona alofa ia Tavita mai i le taimi na o 'aumau solo ai i uta i le vao ona o le musu e faasega'i ma Saulo.

Aua fai a ia, 'O Saulo o le tagata ua uma ona faauuina e le Atua, e sa ia te ia na pa'i atu ia Saulo', le tausi Tupu o Tavita, le tausi tamali'i o Tavita, le 'osi feagaiga ma le Atua.

E oo i le taimi ina ua matua Tavita, lea na faaali ai lea o lona atalii o Apisaloma i le fia avea ma Tupu ia Isaraelu, ma Aviata lea e fiafia ia te ia, sa tatau ona fai ai o ia ma 'osi taulaga o Isaraele, i le vaitaimi lena aua e fiafia i ai Apisaloma.

Ae sa le amanaia lena mea, i lona fiafia ia Atonia, sa le faia lea ma mea e leaga ai lana galuega o le 'osi taulaga sili, sa fai ma le faamaoni. Ina ua malomaloa le gasegase a le Tupu o Tavita, na faatonuina loa e Tavita lona faa'ete'ete i ona fili na, ae na e le'i i ai Aviata i lona lisi lena.

Faatuatua i le Atua e te maua ai le Ola e Faavavau, Amene.