O le a ea le lotu a tamaiti? Na oo mai i Samoa le faamai lea o le 'pnuemonic influenenza' poo le 'flu' o se faamai e pipisi tele i le tausaga e 1918 ia  Novema, i le vaa e aumai ai ma uta o le 'Tulane'.

E sau mai i Niu Sila ma Apia e afe i Fiji ma le siakiina ona faatoa sau ai lea i Samoa.

I le vaitaimi na e le'o taitai ona lelei ni Falemai i Samoa, e le'i taitai ona sauni ia Samoa i se faamai e fou i le olaga o se tagata Samoa.

Tusa e 8,500 poo le 22% o le faitau aofai a tagata i Samoa i lena vaitaimi. Lea na tuaia le Lt. Colonel Robert Logan i le leaga o lona faiga o le lona galuega, i le vaaia lelei ona aumai ai lea o le Tulane i Samoa.

Lea na toe ave ai i Niu Sila le alii Lutena lea i le tausaga na soso'o ai, ae aumai le alii o 'Administrator' o Colonel R.W. Tate (1920-23) e faasegaga'i ma le mafatiaga lea na maua ai Samoa i Sisifo.

Na fono loa Misionare na i ai i le Metotisi ma EFKS (ao le vaitaimi e le'i oo ia vaevae) ia ma Petele lea sa vaaia le Katoliko Roma poo le 'Lotu Pope'.

Ua fono poo le a se latou sao faakerisiano i faia i se fofo o le mafatiaga lea na maua ai Samoa i Sisifo, le 'faama'i oti' lea ua mou malie atu.

Ia ma maua le iuga, 'Talu ai e toatele i tamaiti ia na maliliu i le faamai na 'ae ai se manatu o le faia se lotu a tamaiti e faamanatu ai le mafatiaga i lea faamai oti poo 'flu' i Samoa i le tausaga e 1918-19.

Ia na talosaga loa le Ekalesia Pope, 'E le mafai e i latou ma suia le faiga o le latou sauniga, e sau uma lava mai i Rome sa latou faatonuga. Ae auai le latou Ekalesia i le aso e faamanatu ai le tele o nai tamaiti ua maliliu i le faamai oti.'

Ia ona amata lea e Ekelesia ia e lua o le Metotisi ma EKFS i le tausaga 1920 ma fai ai tala ma tauloto a tamaiti ma faaigoaina ai o le 'Aso Sa Paepae'.

Lea e fai mai le Tusi Paia, 'Faauta o le fanau o le tofi lea mai le Atua, o le fanau mai, o le taui lea mai ia te ia. E pei o u fanafana i le lima o le toa; e faapea lava atalii o taulelea. Amuia le tagata ua tumu ai lana utu, e le mama i latou pe a latou tautala i le faitotoa ma e ita mai.'

O le mafauga lea ua i ai lenei lotu a tamaiti i Samoa, na amata mai i le faanoanoaga ae iu 'ae i le manuia, ua fai ma mea e faamanatu ai le loto mafatia ma le loto momoia ae lele ua fai lea ma Aso o Tamaiti.

O le ala foi lea na faatusaina ai le tamaitiiti e Iesu, ua fefinaua'i ina ua oo i Kapanaomi poo 'ai so latou e sili ?. ona tago lea o Iesu ma aumai le tamaitiiti ua faatu i o latou luma, ona tago ai lea o Ia ma siitia ma fai atu ai i ona soo, "Ai se talia se tamaititi faapenei i lou igoa ua e talia e ia o a'u, ai se talia a'u, e le o a'u ua ia talia, A O IA AUINA MAI A'U.

Lea ua fetalia tuu sa'o mai lava le Alii Faaola, o se e talia o ia, ae ua ia talia foi le na auina maia o Ia. Amene.