Ads by Google Ads by Google

LAUGA O LE ASO

Matagofie lenei taeao o le Aso Paia o le Atua. E vivii pea o tatou agaga i Le na faia i tatou uma. O le mataupu o lenei vaiaso. "Ua avea le laau mataga ma laau o le viiga" The tree of shame is made the tree of glory." Fai mai saunoaga a le tina matua ia Anthea Dove.

"Ina ua ou faitau i le tala i le laau na taina mai fai ai le satauro o Keriso. Ona ou faapea lea, " afai faatoa ta mai le laau ma faatopetope ona fau ai le satauro o Keriso, ai lava se mataga o foliga o le laau, ai e ma'ila'ila solo lma pi'opi'o le tino o le laau ma leai se matagofie ona o sa le lelei ona fai e tagata, ae ona ou toe faapea lea, ua tutusa lava ma le tino na tu'itu'i i ai i lenei la'au. Le malepeleme o foliga paia o Iesu, ona o le saua o le tagata. Peitai ina ua toe tu mai le Alii, na avea lenei la'au ma faailoga o le Ola Fou, o le faailoga o le Iesu Manumalo, na manumalo i le lalolagi atoa.

O le mataupu o le Aso Sa " O uluai laau." Na toto e le Alii i Etena. O laau na fua mai i fua eseese ma faatosina loto i tagata. Na toto ai le laau o le ola ma le laau e iloa ai le lelei ma le leaga. O laau ta te saoloto ai ma laau e fai ai a ta filifiliga. O le ta filifiliga e puipui lelei i laau na totoina e le Atua. O tagata o loo tu'inanau i le 'oa ma le tamaoaiga, le mamalu ma le paoa ua latou soona fai laau o le faatoaga a le Atua.

Fai nei le ta filifiliga. Ia fai Atamu ma Eva ma a'oa'oga ia i taua. Manuia le talaiina o le finagalo o le Atua i lenei aso e lana aufaigaluega. .. Ia faatumuina i tatou i mea alofa paia a le Atua.....God be with us all.