2 Tupu 9: 16-24. Mataio 4:35-41

O le 80% o le tatou olaga e tutupu mai ai pea lava i taimi uma ma aso uma ia tatou ola taumafai i le Atua, i ana galuega ia afa ma mafue'i ma ma lologa i o tatou olaga.

E le tutusa mea uma ia tatou faalogoga, ae 'ese'ese a tatou faalogoga ia tatou ona o le faatuatua ma le ola e le lava le talitonuga i le Alii, e maua e le tagata e faatuatua moni le le popole i taimi o afa i taimi faa-natura ma afa i le olaga faatuatua ma le le faatuatua.

O afa poo faigata o le olaga lenei, o le pipii lava i le Atua, a 'osofaia i tatou, e tatou te le pisi vale, e lagona e le tagata o loo i ai le Atua e fesili muamua i ai, ona fai lea o se tonu e lea faalavelave ma lea mea ua tutupu faafuasei mai.

Ao o le tagata e olaga faasamasamanoa, e tupu mai loa se mea laititi lava pei o le a le fememea'i aua ua gata lona mafaufau i mea e tatau ona tatou o muamua e fesili i ala i le tatalo ona maua mai lea o ou mafaufauga lelei e fai ai lea faalavelave ma lea mea.

Aisea….ua leai se faatuatua i ana soo, ua leai se vaai i mea na faia e le Alii Faaola e nei tausaga e tolu o mafuta ma Alii Faaola, ma latou te faataitai i ai.

Ao fea foi le osovale lea o Peteru, o ia o lea a mea, 'oso fai a 'au lea le Alii e, poo le a mea na le nofo lelei i lalo, fai i le 'au soo, "O mai tusa poo le a mea sou mai o le sami, ae o le fai le tatou tatalo i le tatou Atua.' faaaoga mea na aoao mai i le tatou Matai ia te'i tatou.

Aua e fai le tatou matua o lenei aso Toanai, 'O LE AMIOTONU A LE ATUA E MAUA AI LE FILEMU'.

O iina i le sami i Kalilaia, poo le vai tuloto lena e tele mauga o loo siosiomia ai le sami lea, a oo i le tau malulu e toa le aisa i luga o le mauga lea e maualuga o faaiogaina o Mount Hermon poo le Mauga o Emoni o le Mount Tebor poo le mauga o Tepoa e tumu luga i le aisa i le vaitaimi o le malulu lea e sau i luga i mauga na le ea malulu fetaui mai ma le ea vevela lea e alu atu i luga o le sami, ona tupu ai le mea e igoa o le 'squall' poo le savili malolosi ona maua ai lea e matagi malolosi pei oo atu lava i le malosi 55 maila lea e maua ai le tama'i afa.

Na e faitau muamua i se lau Tusi Paia na tau mai ai na tofa Iesu  e 'ese mai ai i le malaga lenei ?…o Iesu e leai se taimi e fa'aaluvaleina, a oo i le po ua tatalo i lona tama e toe ititi ao le mea o tatalo lava, ae na o le pau lea o le taimi ua taua mai ai ua tofa.

Ia e tulai mai le isi fesili poo se mea ea na faia e Iesu, ua ia silafia e maua nei le latou faigamalaga i matagi malolosi, ao le mea ea na silafia e Iesu poo le tofotofo e Iesu le ola  faatuatua a lona 'au soo ?

E moni ai le upu faamafanafana a Peteru, (1 Peteru 4:12) "Le au pele e, aua tou te ofo i le tofotofoga pei o le afi, ua oo ia te outou e fai ma tofotofoga ia te outou, peiseai o se mea fou ua oo ia te outou." ma le (Eperu 6:19:) "Ua ia i tatou lena faamoemoega pei se taula o le agaga, e le matosina ma ua mausali, e oo foi i totonu i tala atu o le ie puipui."

Ioe o le Ola e Faavavau o loo faatali mai ia tatou uma lava, ae o le faia le finagalo o Iesu ma faatuatua moni i lana Upu Moni e maua e ia le ola e faavavau.

Na alu le tasi TV i totonu o Amerika e pue mai ata o le afa lea na tele ina faaleaga ai Miami 'Hurricane Andrew' na 'ofo le 'au pue ata e o atu i le isi mea e tasi a le fale na le faaleagaina i lena vaimea, ae o loo tutu mai le tamaloa e ana fale.

O lei talitonu i mea e leo vaai, e leo talitonu foi e faaaoga le 2*6, ae fai lava i 2*3 ae sefe le tupe mo latou, e faalogo e faasa le fao i lalo ifo o le 4-inisi, ae faaaoga fao e 2-inisi ma le 3-inisi ua galo ia latou e sau lava le afa, e manuia e le vaaiga a mata ae tiga ua uma ua tupu le faalavelave.

O le AMIOTONU A LE ATUA E MAUA AI LE FILEMU, ae e a le 'au soo a Iesu, ua tele le mea o le vavao e Iesu i le matagi ma vavao atu ai le latou ola le femeimea'i, ao fea galuega lelei a le Iesu e fai i aso uma, faatu i pipili, faatautala le 'ua gugu, tutuli 'ese agaga leaga, faatutu i e ua oti.

Ua galo ia tei latou o le ola, 'faalagolago e mea ua faamoemoe i ai, o le mautinoa lea o mea e le o vaaia.' ua na o le fai ae mea e leo i ai le loto, o lena e matagataga lou loto.

Ua faia uma pei oa finagalo ai le Atua ia feoti uma tagata leaga ia, e lei finagalo ai le Atua i a latou uiga leaga uma na fai i luga o le Silafaga o lana Silafaga.

Ia ua saoloto uma nuu e lua o Isaraelu, le nuu na auala mai ai lo tatou Faaola e faaolaina le lalolagi uma ma o le aumaia le Tala Lelei i le lalolagi uma, aua O LE AMIOTONU A LE ATUA E MAUA AI LE FILEMU.  Amene