O le igoa na faaigoa ai i totonu o isi tusitusiga, o Pelesepulo, 'o le alii o lago', o le 'alii o mea leaga uma,' poo le 'alii o le fale o temoni.'

O le lagona e faatatau i le agaga lea e igoa o Pelesepulo o se igoa e faasino ini tupua e ta, e pei o le igoa faa-e-Eperu i sui 'ai le igoa 'BOSHETH' o le faamatagaina, e i ai le igoa 'BAAL' poo (Lord)

I le lua (2) o le Tupu i le mataupu muamua (1) i le mataupu ia 'Baal-Zebub, e faaigoaina ai o le Atua o 'Ekron' o le tasi o 'aai o Palesetina i le tausaga e 850 B.C.

I le feagaiga tuai lena, ina ua oo mai i le Feagaiga-fou, na taua ai e Iesu o le Alii o Temoni pei ona taua mai i le (Mareko 3:22.) "A o le au tusiupu e na o ifo mai Ierusalema, ua faapea ane i latou, "O ia te ia Pelesepulo, o le alii foi o temoni, e tuli ai e ia o temoni."

ma le (Luka 11:15) "Peitai o isi o i latou ua fai ane, 'O Pelesepulo le alii o temoni, ua tulia e ia o temoni.'

O Pelesepulo i le sapelaina i le igoa i tusitusiga o faa-evagelia ia e taua o le Sinopi, ua taua foi le mea lea na faia e Iesu le Alo o le Atua Soifua, i lona tuli 'ese ina o Pelesepulo poo agaga leaga.

Le mea lena na tau saili ai e le tele o tagata poo ai tonu lava Iesu, ua latou 'ofo ma tuu fesili poo ia o le 'atalii o Tavita' poo ia o le Mesia.

(Mataio 11:23), "Ona auina lea ia te ia o le tagata ua ulutinoina e le temoni, o le tauaso foi o ia ma gugu, ona faamaloloina ai lea e ia o ia, ona tautala ai lea ma vaai le sa tauaso ma gugu."

Ae ua taumafai le 'au Farasaio e tau atu i tagata o le nuu, o mea uma ia ua faia e Satani lea ua alai ona mafai i ai, ia vavega o le faamaloloina o tagata ua ulutinoina e le temino.

Ona fai mai ai lea o Iesu i le (Mataio 12:26) "Afai foi e tulia e Satani ia Satani, ona fevaevaeai lea o ia ia te ia, pe faapefea foi ona tumau o lona malo ?."

O le Agaga Paia lea e fai ai galuega a Iesu, ma le faatuatua moni i lona Tama, lea ua mafua ai ona ia tutuilaina temoni.

O ai la e te 'au ai ?, poo Pelesepulo ea ? poo Satani ? poo le Alii o le Lalolagi ? o Satani uma na, na'o mea e te vaivai ai i le iuga o le a alu i ai.

Ao Iesu, o lou ala lena e te sao atu ai i le Malo ma le Maota ua uma ona saunia e Iesu. Amene.