O le olaga lenei e uiga ua 'ese'ese o loo faia i totonu i lenei olaga, pei o mea fiafia, le tele o mea 'ese'ese e tatou te fiafia i ai e pei o le Bingo, o le tafao i totonu o le pa, o petipetiga 'ese'ese i ai pepa 'pool' i soo se taaloga lava e i ai le lakapi, pasikeki (basketball) o volipolo o petipetiga e fai i taaloga o le MLS, o taaloga tenisi.

I le uiga lenei o le olaga lenei, o se mea e te fiafia e fai i lou taimi avanoa ae e le alu i ai lou mafaufau, a uma lava ua uma. O lou talitonuga i ai, e le afaina lena i lou loto ma lou mafaufau, ua na'o o se mea e te fiafia i ai (leisure time).

E oo foi i le taimi na fai ai sau mea petipetiga i le numera i aso Toana'i i le se'i lea i faia i Upolu, a fai ina ua manaomia oe e se tasi e te faaatoaina numera o se latou pepa se'i, i lou iloa i ai, e le mea leaga pe afai na'o le pau lena o se aso.

Manatua foi na o mai Farasaio ia Iesu, ma latou fesili i ai, "Le aoao e, o le fea ea le poloaiga o i le tulafono ua sili ?." ona fetalai atu lea o Iesu, "E te alofa atu i le Alii lou Atua ma lou loto atoa atoa, ma ma lou Agaga atoa ma lou manatu atoa."

E leai lava se mea e te alofa i ai i le olaga o le kerisiano moni ma le Atua moni, o lou alofa ia faamuamua le Atua i ou mea uma e faigofie ai  au fuafuaga, i le sa'o ma le faamaoni i lou alofa i le Atua i lou malosi atoa, ma avatu ia te ia le viiga e faavavau lava.

A e atua loa i isi mea e 'ese mai, pei o le bingo, o faafiafiaga, faitaaga o le olaga lenei, ua alu i ai lou mafaufau ma ua e faamuamua ona leai lea o se avanoa e fai ai lou faafetai i lou Atua i aso taitasi.

O le a faamuamua i lou olaga faitaaga, o mea e naunau i ai o lenei olaga, ma avea lea ma ou Atua o le a faamoemoe i ai i le mea e le oo i ai se malosi e le'o i ai se ola.

Fai mai Iesu i le 'au Farasaio, "Ia e alofa i le Atua i lou malosi atoa, i lou agaga atoa ma lou malosi atoa e oo i le faavavau." ae le o le ola e te faatuatua i mea uma na e le o i ai ni ola.  Amene