LAUGA: IA MANATU MAMAFA I LE ASO A TAEOA

Kenese 25: 19-34; Mataio 5: 13-20

 

Ia manatu i le aso a taeao ia e manatu i ai, o oe e fai ma faataitaiga i le isi 'au uso a kerisiano, o oe e fai ma mea e fiafia atu i ai le tupulaga ona o ou uiga faaalia, i lou fai mea fiafia e uiga i le tou matagaluega, e te fiafia e alu i le 'au faipese, e te fiafia e fai oe ma faiaoga Aso Sa e te fiafia e fai oe ma 'Au Uso ia Keriso.

 

E te faia mea lelei uma lava e tau i le Atua, e te 'auai e mea e fai i totonu o le matagaluega e te fiafia i soo se tagata, tagata e le maua ni mea o le olaga lenei, o tagata e 'aao malolosi i totonu o le tou 'aulotu, e tagata e fia tautua i le Suafa o le Alii i totonu o 'aulotu uma lava i soo se Ekalesia kerisiano.

 

O oe e fai ma faataitaiga i mea uma lava e fai i totonu o le nu'u, aiga aemaise le matagaluega e toe mulimuli mai lava au galuega lelei i aso a mavae aemaise le talutalufou le tupulaga o i le lumanai i ou galuega lelei mo Iesu.

 

O le masina e faaaoga e fai ai ia kuka ma ave isi masina e lulu solo i luga i le mea e toto ai e tagata Isaraelu ia latou togalaau poo le 'fertilizer'.

 

O le isi aoga o le masina e faaaoga e fai ai faataelega, lea pei ona taua mai i le (Esekielu 16:4)) "O lou fanau mai foi, o le aso na fanau ai oe na le taia lou pute, e lei mulumuluina ai oe, e lei faamasimaina ai oe i le vai ia faamamaina ai oe, e lei faamasimaina ai oe, e lei faamasimaina ai oe, e lei faamasima oe i le masima, ma ua le auia lava oe."

 

Ailoga o le a le masina lena ma lona aoga, oute talitonu e 'ese le mea lea, e 'ese foi le mea lea e fai agai i ai le masima lea e fetalai i ia Iesu, a le mea taua lena i le taua lea o loo taua mai le Feagaiga Fou. Ona ave lea o masima e oo lava i le aso e fai ai o latou totogi, na a ifo lea o masima e totonu i latou tamaitaga, e tuu ai le masima faatoa a i le 'aai a Roma ona ave ifo lea ua fua, na faatoa aumai ai lea e tupe, e taua le mea lena o aluni masima (allowance)

 

Le mea foi lena e mafua mai ai le upu lea o le 'salary' e mafua mai i le faiga lena a Roma, e fuafua i ai lou totogi i le aso o le fai ai lou totogi. O le tele o ou masima o le tele foi lena o lou totogi pe a tou foi mai i se mea e alu malaga i ai le tou 'autau.

 

O le isi mea e faaaoga i ai le masima lea pei ona taua mai i (Levitiko 2:13) "O taulaga uma foi i au taulaga i mea e 'ai, e te faamasimaina i le masima; auale aunoa lau taulaga i mea e 'ai, e te faamasimaina i le masima, aua le aunoa lau taulaga i lea e 'ai ma le masima o le feagaiga a lou Atua, o au taulaga uma e te avatu ma le masima."

 

E le aoga le tagata, e le aoga foi upu pe a fai lava ua leaga uma na mea ia outou, a'o le Atua lo latou Allii ma latou tatou Faaola, o le e Alofa mai pea ia te tatou, aua o i tatou o faa'ona'ona ai le lalolagi pe a tatou fai ai le finagalo o le Atua.

 

Ia 'TATOU MANATU MAMAFA I LE ASO A TAEAO' ia fai i tatou ma faataitai lelei i le isi tupulaga o lalovaoa i nei ona aso, fai i tatou ma malamalama o le lalolagi, tuu i luga lau lamepa i le mea e tuugamoli ae aua le tuua le lalo i mea e tuu ai vae ma tumau pea lava a pe tuu i lalo.

 

E aua tou te manatu na sau le Alii e tatala le tulafono, le tulafono na aumai lava e Perofeta mai le amataga, e oo atu i le iuga o le lalolagi lenei seia toe afio mai le Mesia i lona mamalu atoa ma lona Malo o i Lagi e oo i le faavavau.

 

Na iloa lava e Repeka le mea o le a na ia faia, fao mai le manuia mai ia Esau i lona tama faapelepele lea o Isaako, nei o tatou manatu e le'i uma ona faia mai e le Alii e iuga o i tatou o tagata, ua uma ona faapolokalame uma e Alii le tatou olaga nei.

 

E mulina fai e Repeka le mea na i ai faia i lana fanau, ae uma ona silafia e le Atua mai lava i le vavau e oo i le faavavau, e tatou ola fua i le lalolagi lenei a ua uma ona tuumatagama o tatou soifua e le Atua.

 

Ia tatou ia nei tatou manatu ifo ai e fou mea ia ua tatou oo i ai, ae le iloa ua silafia lelei e le Atua.

 

Manatua fai mai le tatou matua, 'IA MANUTUA MAMAFA I LE ASO A TAEAO." ia manuia le faa'uuga o tofi o lenei tausaga atoa uma lava, ma i a  tumau pea le Ola e faavavau lava Amene.

Comment Here