Ads by Google Ads by Google

Lauga: 'E TALI TIGA LE TOFA PAIA A LE ATUA'

Mataio 15:32-39.

O le alofa o Iesu e le faailoga tagata, soo se mea e afio ai Iesu a'o o i ai i le lalolagi i lena vaitaimi, lea na soifua ai o ia i Iutaia ma Palesitina o le mea lava e alu i ai, e i ai foi lona faamalologa i tagata soifua na fia maua lona faamalolologa.

E leai se faapea mai o Iesu, 'E leai leaga e laiti ou tupe, leaga e te le alu i se lotu, leai oute mana'o i lou palota, leaga e sese le vaega lena e te alu i ai, leai leaga e seasea ou vaai ia te oe i le falesa.'

Ae o le faatuatua o na tagata e pei o tagata ma ave atu a i tagata supa i luga o le fale ina mafai ona ava'e i ia Iesu ma le latou talitonuga atoa e malolo ia le Alii.

E oo i  tagata na o atu e faalogologo ia Iesu, ua tolu aso ua mae'a foi o latou mea'ai ua galala foi i le fia feinu, ae ua sili atu ai le namunamu o Iesu nei te'i latou ina ne'i o atu i le ala i le tupu mai ai mea i le fia 'aai.

E mafai lava e Iesu ona aumai nisi mea e fai ai se mea e 'ai, pei ona tatalo Mose i le Atua i le fafanaina o Isaraelu lea na auina mai loa le manai.

O le a lenei mea e taua o le manai, (1) O le mea'ai na aumai e fafaga ai le fanau a Isaraelu i le 40 tausaga a'o ta'ase i vao. Pei ona taua foi i le Esoto 16: 31, e pei lona nanamu o le manogi o le faapapa palu ma le meli,' "wafer and honey".

Ae sili ai le manai o le Alo lea a le Alii ma tuu mai i le lalolagi ina ia maliu aua le faaolataga o tagata uma o le lalolagi e faiga a le alii o le lalolagi.

E pei ona ofoina atu ai 'areto ma fasi i'a e lua' lea sa faia ai e Iesu le vavega e fafaga ai tagata ma o atu e faalogolog i ana lauga. E fiu e mafai ona aumai e le mana o Iesu se mea fai ai mea 'ai, ae o le finagalo o Iesu, o mea lava e maua i le siosiomaga e fai ai se mea e 'ai mo i latou uma nei.

O mea lava e maua i le lalolagi nei poo a mea e maua i la tatou siosiomaga e maua ai le ola faatuatua o tagata ma oo ai i le ola e faavavau, o lona uiga o le lalolagi e i ai mea e fai ai mea mo le ola e faavavau i le aso atili. Le isi ola e faavavau, pe moni lo tatou o i le Atua.

Le tofa lena a le Atua, na auina mai lona Alo ina ia laveaina i tatou i le tele o faaosoosoga i lenei olaga, le 'talitiga le tofa Paia a le Atua'.

Amene.