Hakai 1:7-15, Mataio 16:24-28

Ua amata ona faailoa mai e Iesu i tatalu ona alu i Ierusalema, e faatigaina foi i mea e tele e toeaina ma le 'au ositaulaga sili, ma le 'au tusiupu, e fasiotia foi o ia, a faatuina foi o ia e le aso tolu, ae ua vavao atu ai Peteru ua faapea mai, "Le Alii e, ia mamao ia te oe lea mea, e le oo lena mea ia te oe."

Ona faliu mai lea o ia ma faapea mai, "Satani e, ina e alu ia oe i o'u tua, ua fai oe ma mea ou te tausuai ai, aua e le o mea a le Atua ua e loto i ai, a o mea a tagata."

E faapea le upu faafoma'i e i ai le upu o le 'pulse' poo se ola, ae 'ese ma upu faa-Eleni, o se ola poo le 'psyche' i totonu o le tatou ola poo 'our innermost self' i totonu o tatou loto ma a tatou olaga e nofo ai na o tatou ola ai. E le tutusa le upu ola lena e ta'u mai i le upu faa-foma'i ma le upu faa-Eleni i le ola.

E le'i o mai le tusitusi tala lena e i ai le ola i tua atu o le isi ola lea tatou te feola ai nei, na'o Iesu lava na ia ta'u mai e i ai le isi ola i tua o le ola lenei tatou te soifua ai, pe a E LE MAUMAU LE OLA O LE FAAMUAMUA LE ATUA.

O le lua o tausaga o le tupu o Tariu i le ono o masina na auina mai le afioga a le Alii e le perofeta o Hakai ia Serupapelu le atalii o Salatielu, le alii e pule e ia Iuta, atoa ma Iosua le atalii o Iosataka o le faitaulaga sili, o loo faapea mai, "Fai mai lenei nuu, e le'i oo i ona aso, o aso e fai ai le fale o le Alii." Ona fai mai ai lea o le afioga a le Alii e le perofeta o Hakai, "O ona po nei ea tou te nonofo ai i fale ua tapapa (mananaia) a o lenei ua faatufunaina." ona fetalai mai lea o le Alii, "Ia outou mafaufau i o ala.

Ua 'ese le mea ua ave i ai le faamuamua o le nu'u, ua 'ese fo'i le mea ua popona lava le tagata latou ia, ua faamuamua i lona aiga ma mea e lelei ai le tagata latou ia, ae ua faamulimuli le Malumalu lea e tu'u ai i le totonu le ato laau.

Ua le ano i ai Isaraelu i le mea na alai ona faatonuina i latou e le tupu a Asuria o Tariu, o le Malumalu o le Atua Soifua, o lea na faatonuina e le Alii e ala i le miti, ia toe aumaia.

E pei ona faatonuina ai Hakai ma Sakaria o perofeta a le Alii, e taua o le 'O le periota Auro o le feagaiga tuai' o i laua o perofeta laiti i le Tusi Paia, ae ua laua talanoa i le nuu i uiga i le faia o le Malumalu poo le mea e taua e le Tusi Paia, 'O le feau taua o le Feagaiga Tuai.'

I le faiga o le pa, e tau mai ia tatou ua 'O le finagalo le Alii e tuu ai mea tuai i le taimi tuai i tua' ua lifi e le Alii aso tuai ma e olaga tuai ae o le a tatou savavali atu i le olaga fou, ma ia faia le finagalo o le Alii, (1) Muamua lona Malumalu (2) aua le faamuamuaina mea e mananao i ai lona nuu, ae mulimuli le mea lea e finagalo i ai le Alii.

Aua le ma aua fai mai lo tatou matua, E LE MAUMAU LE OLA O LE FAAMUAMUA LE ATUA.

Le mea nao finagalo i ai le Alii, ia muamua lava Ia ona tatou o ai lea e faia isi mea i le olaga lenei, le mea lena na fetalai ai Iesu, "Ai se tasi e fia mulimuli mai ia te au, ea faafeti o ia se fia faasaogalemuina lona ola,e maumau ai ia te ia, a o le faamaumau lona ola ona o a'u, e maua e ia."

Ae o le tagata lava e talitonu ia Iesu ae lea faia le mea ma uiga faa-keriso e manumanu i lona olaga e manumanu nei i le lalolagi ae le maua e ia se olaga fiafia i le ola pe a mavae lenei ola.

E le mafai ona ia ave 'esea mea o lenei lalolagi, ola faamaualuga, ola fia sili, ola lava ia ia te ia, e le fia fesoasoani i se tasi ua mafatia, e le loto fesoasoani lava ia i se ua fia maua le ola e faavavau lava, la e pei lava ona fai mai ai le (Mataio 10:38) "O se le ave lona satauro ma mulimuli mai ia te au, e le aoga foi lea ia te ia."

Pei ona fetalai Iesu, "Sa i le amataga, le Upu, sa i le Atua le Upu, A le Atua foi le Upu. O ia lava sa e le Atua o le amataga. Na ia faia mea uma lava e leai se e tasi na faia e lei faia e ia. Sa ia te ia le ola, o le ola foi o le malamalama lea o tagata. Ua pupula mai foi le malamalama e le pouliuli, a e lei manumalo i ai le pouliuli."

O ai se faataitai ia te Ia, ina ave ia lona satauro ma tatou mulimuli atu ia te Ia, Amene.