O LE A LENEI MEA E TAUA O LE MAKOI?

O i latou o tagata e fai isi tagata e su'esu'e i fetu o le lali (astrologer), o isi mea 'o tagata e iloa le lumanai (fortune teller), e ta'u atu le mea a tupu (priestly augurs), o tagata vavalo (magicians), o mea uma na e lelei ai le taua ai 'makoi' nei.

O le igoa o makoi o le aumai i le gagana Eleni e tau ai 'tagata 'ese ae ataatamai' e mataupu 'ese'ese lea pei ona taua i luga.

Ao o tagata la nei e atamamai i le iloa lelei e latou faitau fetu (astrologer), o le tasi foi lena e atamamai isi tagata popoto nei, e 'ese le 'au vaega e atatamai ai, le mea lea ua faaigoa ai o 'au-makoi.

O Peresia poo Papelonia, e o mai ai le itu tagata nei, i le suesue atu talu ai nei, e le'i toe iloa lava le atunuu e o mai ai tagata. Ae talitonu le 'au suesue i le o le atunuu na Papeloni poo Peresia, aua o atunuu e o mai i Sasae.

Aua ana o tagata faatauoloa e le o mai i Sasae atunuu e o mai ai isi foi tagata nei, o i latou e o mai i Matu tagata ia, o tagata faataoloa.

Ae o le 'au atamamai ia, o tagata e o mai i Sasae lea la e i ai Papelonia ma Peresia.

I le malamala tele o makoi o le Tupu le tama nei o le a fanau mai, le ala lena na latou aveina ai o meaalofa nei, ma o i latou foi nei na latou muamua ifo ia Iesu, ona latou malamala lava lea i le fetu ma mea na tau maia, o le Tupu le tama nei o le fanau mai.

Ae o i latou foi e 'ese foi le latou Tupu i le atunuu ia, o le mea lena e silafia ai e le lalolagi, ua oo mai le faaolataga i le lalolagi ae le na'o Isaraelu.

O i latou nei na ifo ia Iesu, ua tatala le faatuatuaga o le lalolagi atoa lea na sau ai le Faaola, ae le o se nuu e tasi, e pei ona i ai nei o Isaraelu.

I lau iloa i ai, ua uma le galuega a Isaraelu, o le nu'u a le Atua e mai ia Aperaamo, e oo mai Isaako, ma Reupena e oo mai ia Iosefa, e oo i le nuu na polomisi ia Aperaamo. Le nuu o Kanana.

Le nuu o le Atua, ua vaeluaina o Isaraelu i Matu ma Iutaia, lea na o e faatafea ana nuu na e lua, ua toe foi mai le itu o Iutaia ae ua le iloa poo fea ua fai i ai Isaraelu i Matu.

Ua uma foi le galuega a Iutaia, ina ua fanau mai le pepe fou i totonu o Peteleema i le aiga o Tavita, le Alo o le Atua Soifua, lea na aumai ma le lalolagi atoa e ifo ma tuatutuli i ai.

Ua tuu atu i makoi o e na ifo muamua ma faaalia le afio mai o le Mesia, e ta'u mai ai i le lalolagi uma, ae talitonu i le afio mai o lona Alo ma e faatuatua i ai, o oe a le mauaina foi le Ola e Faavavau. Amene