O LE AGAPE

O le upu lea e ta'u o le 'agape' [ah-GAH-pay] o se upu e faailoa ai le alofa o le Atua i le lalolagi. I le seneturi muamua na tuu mai ai le upu lea o le 'ALOFA' i le gagana Eleni, e taua ai le alofa i a latou upu lea e pei o le 'alofa' i upu o le 'eros' ma le 'philia' na o le pau ia o upu e faamataina ai le upu 'alofa'.

O le 'eros' e faailoa ai le alofa o se tama i se teine, ua naunau lona loto i sana uo teine, le mea na e ta'u i le faa-Eleni o le 'eros'.

O le 'philia' e ta'u le alofa lena o le alofa i soo se tagata, e pei lava ona amata mai i totonu o aiga, e tagata uma e te silafiaina ma soo se tagata ua manaomia le fesoasoani, ae e te le iloa ina.

Ona oo mai lea o le isi upu lea e taua o le 'agape' poo le alofa poo le Alofa ua silisili i na alofa.

I se alofa ua avea i se maualuga i ave i ai le faaaloalo i tatau ai.

Ina ua tusia le Feagaiga Fou ua tusia tala o le gagana Eleni, le upu o le alofa na faatoa faaaogaina pe a taua i ai le 'Septuagint' i le faasefuluono ae  tau o le 'nauna' ae tele lava ina faaaogaina o le veape.

Ina ua oo tusia le Feagaiga Fou, ua amata ai loa ona vaavaai i se upu lea na iloa ai le upu lea o le 'agape' o le Alofa Silisili 'ese a le Atua.

I totonu foi o le Feagaiga Fou, o le upu lea e taua o le 'agape' ua ave faapitoa lava i le alofa ma le agalelei o le Atua ua na'o ia e ave e i ai le upu lea e ta'u o le 'agape'.

Ua pei o se upu faapitoa e ave i le Atua i ona tagata soifua aemaise o tagata ua silafia le Atua ma tapuai ai, le 'agape'.

Lea la ua tuu matanaga upu ia faa-Eleni, o le upu e ave i le alofa i sua ua teine poo teine foi i le tama, e taua o le 'eros'. Ao le alofa i tagata e amata mai i tagata e te iloa ina, ma soo se tagata e taua lea o 'philia'.

O le 'agape' lea ua sili atu i le alofa uma na, o le alofa o le Atua i ona tagata, lea na ia auina mai lona Alo e toatasi o Iesu e fai ma togiola i le lalolagi lenei.

Ua tatou iloa ai le alofa o lona Alo e toatasi lea na ia afio mai ai i le lalolagi lenei ona togiolaina o lenei lalolagi, e le toe mafai ona alu sa'o se agaga o se tagata pe a tuu e ia le ola lenei, ae e 'ala uma atu ia Iesu.

A'o le 'eros' ma 'philia' e 'ese mamao ma le 'agape', aua o le 'agape' lea na ia foai mai lona Alo ina ia le toe i ai se agasala ia tatou lea pei on a tusia i le tusi a (I Ioane 4:9-10) "O le mea lenei ua ia faaali mai lona alofa o le Atua ia te i tatou, ina ua auina mai e le Atua lona Alo e toatasi i le lalolagi, ina ia tatou ola ia te ia. O le alofa lava lenei, e le ona ua tatou alofa i le Atua, a ua alofa mai o ia te i tatou, ua na auina mai foi loa Alo o le togiola mo a tatou agasala."  Amene.