LE 'IE O LE MALUMALU

I le faiga o le Malumalu       i Isaraelu, i ai le potu i ta'u o le potu e Paia (Holy of Holies) e faatasi na ulufale ai le Faitaulaga Sili i le tausaga atoa, o le aso faamanatu faa-Isaraelu lena e ta'u o le 'taulaga mo le agasala'.

O ie mumu lea e taua o le 'ie e vaelua ai le ai le 'mea e sili ona Paia, le mea o loo tuu ai le 'Ato Laau a le Atua', le mea e Sili ona Paia, 'O loo Afio ai le Atua.'

E tusitusiga o le 'au fai faaevagelia e toatolu, Mataio, Mareko ma Luka o loo latou taua ai le aso lea na faasatauroina ai Iesu, le mea lea e fai ma faalavelave i le olaga o le Iutaia poo Isaraelu, o le 'faasatauroina' le mea na fefefe ai tagata o Isaraelu, o le oo lea i le 'oti faalumaina lena, o le faasatauroina.

Lea na oo lava i ai Iesu, ma o lea 'ie ma vaeluaina ina ua maliu Iesu, o lona uiga, ua tatalaina le 'ala ma le Alii, ua toe i ai, se vaeluaina, ae ua tatalaina ua tasi le tatou 'Ala i le Atua.

Ma masae mai i luga i le pito i luga e oo i le pito i lalo, e pei ona taua mai i tusi o le (Mataio 27:51, Mareko 15:38 ma le Luka 23:45.)

Ua avea le 'Maliu o Iesu' ua maua ai e le lalolagi le Ola e faavavau pe a oo ina e faia le finagalo ma sa'o lau amio i le tausiga uma o mea e Finagalo ai le Agaga Paia.

E le pei o le Feagaiga Tuai, e le toe faia se faamagaloga o a tatou Agasala i tu tuai e pei ona fai mai e Ie tagata agasala. Ua tatou o sa'o lava i le Agaga Paia mo lo tatou faamagaloga.

O loo taua foi i tusitsuiga a Eperu e, 'E maua ia te te'i tatou le 'toto o Iesu' e faamagaloina ai a tatou Agasala, i totonu o le mea e pito e 'Sili ona Paia', e pei ona taua mai e le Eperu e 10:19-22.

E le o toe i ai Iesu, ae ua tatou o sa'o i le Agaga Paia e ala lea i le faataitaiga na faia e Iesu, o le loto ua salamo moni ma le faamaoni. Amene.