E FANO LE I LE OLA TOATASI

(Kenese 2: 18-25). O mea uma e te faia, pei ona faaigoaina o manu o le fanua, manu felelei o manu o le vao, o mea uma e sa'oloto ai le tagata.

Na ola fiafia Atamu i lona soifua mai i le lalolagi, na o le pau lenei o le tagata soifua e le'i manaomia se pute, aua o le pute o le mea lea e fafaga ai le tama a le fafine i le taimi na o i totonu o le (tulou) mavana o le tina.

Ia afai la na o le pau lena o aoga o le pute, ia e leai  se mea manaomia ai fua se pute e Atamu.

Aua o ia, na fau e le Atua i le 'efu'efu ma le palapala, o galuega mamana na faia mai e le Silisili Ese, e leai se tagata soifua na te fesiligia.

E le'i teitei faia le tagata i ona itutino uma faa-tane ma tu'u mai i le lalolagi nei, ua uma ona faia ua ia faia foi le fafine i le finagalo e tu'u i le tamaloa.

E feola faatasi, o le fuafuaga ua uma ona faia e le Atua, o le 'plan' a le Atua, o le fiafia ma ola sa'oloto uma tagata i lalo o le vaaiga a le Silisili ese.

Ae a sese loa le mea e ola mai ai le tagata, ua fia sili ua e le faalogo, ua faapea le manatu o le tagata valea, "Ua sili atu 'au i loo se tasi ma te tuaoi ma tagata uma o le matou nu'u."

O i talofa e, e le o le finagalo lena a le Atua, e tasi i tatou ua faia e Ia, o i tatou uma i le mautoatasi i tatou, ua uma ona faia le tamaloa ma le fafine i le olaga lenei.

E tasi i laua, e tino lava e tasi, o lona uiga e lua, ae tasi le mea ua la mananao i ai, tasi o le la mafaufauga, tasi le mea e fiafia i ai, ua le toe lua, ae ua tasi lava i laua e oo i le faavavau. Amene.