'O LE ALOFA MONI O LE ATUA'

(2 Samuelu 1:1-12. - Luka 13:7-15) Ua sese le tagata lea na sau ma pepelo i ai, o Tavita, na faapea le pepelo o le tagata Ameleka lea, 'o ia na ona tuiina Saulo i lana tao, e aua ne'i oti i lima o Filisitia', ma faapea o le avatu nei e Tavita sana taui i se tupe i lana galuega alofa na faia. E le'i fasiotia e lima a Filisitia ia Saulo.

O iuga lava ia o soo se Tupu lava o se atunuu, e tele tagata e vaaia pe afai o le la e fai le taua ma se isi atunuu. E maua le toatele o tagata e vaaia le Tupu nei oo mai i ai le fili ma faaumatia. O le mea lena e tatou vaai ai nei i ata tifaga ia, e mamao le mea e tutu mai i sana solofanua ma faatonutonu mai ia lana 'autau.

Aua o le taimi a e oti ai, ia malo le isi itutau i se taua, ua oti le ta'ita'i poo le Tupu o le la atunuu.

E galo ia te ia le faamaoni o Tavita i le tupu ua faau'uina e le Atua, tusa poo le a le mea leaga e fai mai e Saulo, e sa ona oo ai se lima o se tagata ua faau'uina e le Atua.

I Sekeleka le fanua na foaiina e le Tupu o Kata ia Tavita, na malolo ai ina ma tau faalogologo i se tala poo ua a mai le taua a Isaraelu ma Ameleka. E tau Isaraelu ma Filisitia, ae o le taimi foi lena o vevela 'ae foi le 'autau a Tavita ma Ameleka, ae malolo iina i le fanua o Sekeleka, ae taunuu atu loa ma pepelo ma fai mai, na fesoasoani ia Saulo e fasioti.

Ae na maliu lava Saulo ia i lana pelu i luga o le mauga o Kilepoa ua feoti uma ai ona atalii o Ionatana, Apinatapa ma Makisua ia na malaia ona taua ma Filisitia.

O le alofa moni i le Atua, e pei o le alofa na alofa ai Tavita i le Atua, na alai ona ia faao'oina le oti i le tagata lea na pepelo mai o ia na na fasiotiina ia Saulo. E leai se mea e faigata i le Atua.

I le feagaiga fou, o le mati foi lea na sau le Alii i lena foi i lea tausaga, e le'i fua lava, ona fai ai lea e tipi 'ese le mati ma lafoa'i.

Le mati lea na fai ai Iesu i le faifaatoaga, e le fua mai lava i tausaga ua te'a se'i oo mai i le taimi nei, lea na fai i ai Iesu e sili pe a tipi e lalo, e lafoai i le afi.

Le laau lea ua faatusaina i le tolu tausaga na talai ai Iesu i Iutaia poo Isaraelu, e tagai mai lava Iesu e le salamo ma liliu'ese tagata ia latou ala tuai, lea e tigaina Iesu e talai atu le Upu Moni ma le ta'uta'u atu le Tala Lelei i ola ai tagata ua salamo moni.