O AI KALEPO?

O ia o se tasi o le 'au asiasi (spies) lea na o ma Iosua i totonu o Kanana, lea na o mai ai ma le faamatalaga o le nuu e mea e maua ai (1440 B.C.)

Le tasi foi o tagata na faasaoina i le malaga na sau mai i Aikupito se'i oo atu i Kanana, ina ua alu le osofaiga a Isaraelu i totonu i Kanana, ina ua uma le 40 tausaga a Isaraelu i le vao.

E i ai lona afafine o Akesa lea na nonofo ma Otinielu le atalii o o Kinasa, le uso laitiiti o Kalepo poo le 'nephew & son in-law'.

O le tagata e faamoemoe ma faatuatua i le Atua i mea uma e oo lava i le o mai i totonu o Kanana (Numera 14). E na'o o le toafa le 'au taitai na latou faatuatua i le Atua, o Mose, Arona, Iosua ma Kalepo o e na faalagolago i le Alii ma latou loto atoa ma le faatuatua atoa, e faato’ilaloina le nuu o Kanana.

Ina ua toe auina atu e le Atua tagata uma ua le faalogo mai ia Ia i le vao, na o Iosua ma Kalepo tagata e toe o mai e molimauina e o atu o le nuu o Isaraelu i totonu o Kanana.

Le nuu na folafolaina e le Atua i o latou tama, ma tama o latou tama ua maliliu mai i le ala.

O Kalepo o le tagata ua ia faalogo ma le loto atoa, ma le agaga atoa i faatonuga ua tuu atu (Numera 14:24) ua oo ai lana fanau i le nuu pei ona fofolaina i ai e le Atua.

O le tagata ua ola i le faatuatua i le Alii, e oo lava i isi tagata na latou o i totonu o le nuu, ina vaai ma le ofo isi tagata i tino o tagata ma malosi o le 'au tau a Kanana.

O le soifua ma ola i le faatuatua i le Atua e le te'a 'ese ai o ia ma le soifua e pipi'i i le Atua, e maua lava e ia ina ua uma folafolaina e le Atua ana faamanuiaga.

E leai se mea e sili 'ae i le talitonu o Kalepo i faamanuiga a le Atua, e le popole i le 'au tau a Kanana, ua ioe ma talitonu o ia, e faia lava e le Atua mea silisili. Amene.