Ads by Google Ads by Google

LAUGA

O LE FAFINE NA OTI

 

O ai Tapita poo Toreka ?. (Doras) O le fafine ua oti lana tane, e le iloa e se isi o lena nu'u o Iopa po'o fea e sau ai, poo se fafine Iopa, poo se fafine e sau mai i se tasi nuu. O Toreka poo Tapita lona igoa o se fafine e alofa i tagata lima vaivai, i tagata mama'i e le manao i ni viiga.

 

E faatalitali i le mea e faia i lea aso ma lea aso, sa galue lava ma lona faamaoni, e le'i faatalitali i sana taui e aumai i ana mea e toaga e fai, e tusa ai ma tagata lima vaivai (Galuega 9:36).

 

O lea foi e ta'u mai e lelei i le su'isu'i lima ia Tapita poo Toreka.

 

Ia tuu ia la po o fea e sau ai, ae tatou vaavaai i le lelei o le fafine, e fesoasoani tele i le 'au vaivai, e musu i le tau leleia na o ia, pe manao foi ini ona viiga.

 

E fai ma le filemu ana galuega alofa. O lona igoa i le faa-Aramaika, 'Tabitha', na o atu Peteru e fai lana asiasi ma ta'u atu le Tala Lelei i nuu tuaoi ma fai ai ana faamalologa lelei i nu'u, ae te'i i le o atu o tagata e fai mai o le Ekelesia Iopa.

 

Ua faataalise atu ma ta'u atu ia Peteru, ma ta'u pe mafai lava ona sau i le Iopa i le fafine o Talita lea ua tali oti o ia. O i na faaalia ai le mana lavea'i o le Atua e ala atu i ona 'auauna na o Peteru.

 

O le faamanatu mai, 'O le Atua e manatu i ona tagata e faamanaoni ma tagata e faatuatua ia te ia. O tagata e fai le galuega lavea'i ma galuega fesoasoani, e leai se oi o tagata e alofa ma le faamaoni i na'i fafine ua feoti a latou tane, ma le fanau laiti.

 

O le tatalo a Peteru ua leai se isi i totonu o le fale, e le manaomia e Peteru se tagata e faalavelave, ua ia maua ai le Atua i lona taimi, e ole atu ai i se mea ua mamana, o le toe faaola mai lea o le tagata ua oti.

 

Ua uma na tatalo Peteru, ona ia alu ifo ai lea ma le faatuatua i lona Atua, ua fai atu i le fafine, "Tapita e, ina tu mai i luga."

 

Ua pupula o ia, ona ia iloaina ua nofo i luga, ua valaau o ia i fafine ua oti o latou tane, a ua faatu e ia i luga ma ana avatu ia te'i latou o ia ua toe tu mai le oti.

 

Se'i faalogo foi la, Tapita e, ina tu ia i luga." ina tu ia i luga, o lona uiga, 'Se matua'i e faafefe tagata tele Tapita e, nofo ia i luga.

 

Ua toafia ai nei tagata ua toe faatutu i luga mai le oti? Alu la oe e su'esu'e le mea lena e te maua i le Tusi Paia. Faitau ona ta'u mai lea o le aofaiga o tagata ua faatutu mai i le oti.

 

Faitau le Tusi Paia ia aoga mo oe, ae le o le faataatia solo i le fale i aso uma, ae faatoa e tago i ai i le taimi e te alu ai i le Lotu. Amene.