Ads by Google Ads by Google

Toe sauniga - Fagafaga Daniel Langkilde i Fatuoaiga


O le taimi ua ufita'i ai le va'a o le tofa Fagafaga Daniel Langkilde i le Agiagia a lona Malo e taualoa ai lana auaunaga i lona malo, pisinisi, ekalesia, aiga afio'aga ma lona malo. O le taimi lea o le fa'ae'e atu ai lna Sa e molita'i i lona maota i Vaitogi, mo lona oliolisaga tumau. [ata: Leua Aiono Frost]

O le taimi ua taua'aoina atu ai e le afioga le Sui Kovana le Iugafono malilie fa'atasi a le Fono Faitulafono i lima o le ali'i talavou Marcus Langkilde, e taualoa ai le tautua a Fagafaga i lona malo ma ona tagata. [ata: Leua Aiono Frost]

O se vaaiga i nisi o uo mamae a Daniel Langkilde ma o ana pa'aga fa'apisinisi fo'i ae o i latou lava o e mafana le latou mafutaga. [ata: Leua Aiono Frost]

Nisi o aiga o le tofa ia Fagafaga Daniel Langkilde i le taimi o ona toe sauniga i le aso ananafi i Fatuoaiga. [ata: Leua Aiono Frost]
Talauega Elesalo Ale and Monseigneur Viane EtualeVaitoa Hans Langkilde and one of the Yandall sisters

Pago Pago, AMERICAN SAMOA — This past Friday, the Testimonial Remembrance for Fagafaga Daniel Langkilde — a well-known local businessman, former KVZK-TV director and community leader, who passed away on Saturday, May 18, 2019 — was packed with friends and family, as well as community and government leaders.

The highlights of the event included not only testimonies of Fagafaga’s life, but also live music and performances, such as (L-R) the Yandall sisters (Adele & Pauline), who flew in from New Zealand for their cousin “Daniel’s” funeral, and (far right) Samoana Jazz & Arts American Samoa Board Advisor Peta Siulepa.

Fagafaga, was a gifted singer, drummer, and emcee, and his friends in the Samoa Musika Foundation and the Samoana Jazz & Arts American Samoa (he was the chair of SJAAS) turned up to jam and sing in his memory. [photo: MM]

Na ta'ita'ia e le afioga Moseniolo Viane Etuale ma le mamalu o le Aufaitaulaga a le Ekalesia Katoliko toe sauniga o le tofa Fagafaga "Tauaifala" Daniel Langlilde i le Malumalu o le Aiga Pa'ia i Fatuoaiga i le taeao ananafi.

Sa auai le afioga le Sui Kovana Lemanu Peleti Mauga, Peresetene o le Senate, Fofoga Fetalai o le Maota o Sui, ae maise sui o le Fono Faitulafono ma nisi o taitai o le atunu’u.

Na faatumulia fo'i le sauniga i le pa'ia lasi o aiga, i ona itu tetele ma itu taulagi, o le pa'ia o fa'alapotopotoga, kamupani ma Sosaiete sa avea Fagafaga ma o latou totino, po'o i latou fo'i sa tautua ai o ia i mo se taimi umi o lona soifua. Sa toatele na'ua fo'i ana uo mamae ma e sa matele ina latou galulue fa'atasi sa auai, aua e moni ai le tala o le molimau mo lea tama, "O ia o se tagata fa'amasani gofie, fa'afiafia tagata, ma e mafai ona ia fa'aosofia oe e fa'ailoa ou lagona o loo e taumafai  e natia."

O le Upu a le Atua sa vaganaina lea e le afioga Moseniolo Viane, lea sa ia fa'ailoa ai, "Fa'afetai ia Fagafaga, aua sa tu'u ia te ia taleni lelei, e le'i aiu ai ae sa ia fa'asoa mai. Ua fa'afofogaina o ia e le to'atele o lona atunu'u fa'apea fo'i malo uma sa a'oa'oiina ai lona talavou. E afua mai Samoa i le Chanel College ma fa'aauau mai i Marist Brothers i Malaeloa ma fa'au'u ai i le tausaga e 1973. O lona leo ua matua misia e le to'atele aua, e mautinoa lava, o se tasi ua leolelei, e logomalie ana fatuga pe a ia usuina i le fa'afofoga a le to'atele, ae o se ali'i aulelei tele fo'i."

O le upu fa'amalosi sa ia vaganaina ua fa'asoa mai ai, "Aua ne'i e fa'atamala pe fa'atalale i lau taleni mai le Atua, faasoa atu ma ia iloa e tagata uma, ua e fa'asalafa na manuia mo i latou uma, ua e faia ai le finagalo o le Atua."

E lele lava le toloa, ae ma'au i le vai. Ua silafia lelei e Fagafaga lona taimi ua lata mai, “sa ia fa'ailoa i le fanau, fautua i le fanau i le ala e ola ai, ina ne'i o'o mai aso e o ese atu ai i la'ua ma le tina o le aiga, ae ua latou iloa le ala. O i tatou uma, e feoa'i solo i lenei lalolagi, aua lava ne'i e matua fia mautu ai iinei, aua e tatou te le o ni lalolagi i tatou, e tatou te o uma lava i le lagi, le nu'u tumau."

Na tula'i Marcus, o ia o le ulumatua, e faia le molimau mo le tama.  "O lo matou tama, e le'i faigofie ia te ia le maliu o le matou tina. O se ulua'i taimi lea ua matou va'aia ai o Ia ua tu mai mo le molimau, ae ua tau le mafai ona tautala o ia. Ua matou iloa lelei, o le matou tina, o se ma'ataua lea ia te ia, ma ua avea ma faigata i lona toe ola ma i matou, ina ua mavae Mom mai le mafutaga."

"E ui ina tele tama lelei, ae ia i matou le fanau ma matou fanau, o ia o se tama sili ona lelei ma e ave uma i ai o matou agaga. E iloa lelei e le matou tama ona fa'anofo filemu so'o se mea e tupu mai i le matou va. E iloa lelei e ia upu e fa'aaoga e mafai ai ona gaua'i o matou loto ia logo gatasi i se mea. O ia ua ia iloa lelei i matou ta'ito'atasi, i o matou malosi'aga, ae maise i o matou vaivaiga."

"O lona leo lelei, e avea ma mea e matou te mitamita ai, aua e fiafia tele i matou e fa'alogo ia te ia pe a pese. E i ai taimi e maua ai nai fa'amanuiaga ona o lana lea taleni, ma matele ina matou maimoaina ata tifaga fou a'o le'i fa'alauiloaina fa'alaua'itele, ona o nai ona sao laiti e ala i lana lea taleni."

"O si o matou tama, e malaga lava o ia i luma i mea e fai, ae o si o matou tina e le va'aia lava lona olaga sapaia o mea uma mo ia, o se tasi lea o aoa'iga sili ua mafai ona matou maua mai i le olaga o matou matua. O le soifua fa'aaloalo o le tina i le tama o le aiga."

"O le matou tama, o Superman, o lana tala ata lea ia i matou, aua na la'ititi tonu mai i vaitau o na ituaiga o ata, ma e faamemelo i si o matou tama matua o Marcus e avea o ia ma tama Superman i so'o se taimi e faia ai aso e fa'aalia aii teuga fa'apena.  I le matou ola atoa, o se va'aiga lena a i matou ia te ia, o le matou Superman."

"O ia o le tagata o upu. Na iloa lelei upu e fa'aaoga e talafeagai ma le taimi i so'o se mea e tautala ai, fa'afetai mo ia, sa to'omaga i ai i matou e ala i faituaga ma le ta'ita'iga i le olaga i le lumana'i, aua o lea ua matou aga'i atu nei  ina ola ai. Fa'afetai i o matou aiga uma, aiga o si o matou tama ma aiga o si o matou tina, i le tausoaina o le aso faamoemoeina o si o matou tama i le olaga nei. Ia fa'amanuia le Atua ma toe foa'i atu ia te outou uma le agalelei ua outou faia mo i matou i le aso nei."

“Dad, ia manuia lau malaga,ia e sogi ia Mom mo i matou uma, ma ia e iloa lelei, ua matou misia lava oulua i le mafutaga."

O le molimau a aiga na saunia e Manutafea  Misi Taufetee, o le aiga tina o le tofa Fagafaga, sa talatala le gafa o aiga ali'i, ma ia fa'ailo le ala o le fa'ae'e ia Fagafaga Daniel o le suafa "Tauaifala" o le Sa'o Aumaga i le pa'ia o le Aiga Sa Auaumamana i le afio'aga o Vaitogi. Sa lagia fo'i e ia se vi'iga o le Atua "Ia pei o se Vaitafe lou filemu" e amata ai lana molimau, ona ua tafea papa o aiga, i le tu'ua ai o le Malo e le tofa Tauaifala. Na molimau fo'i o ia i le tautua tuavae a Fagafaga  i le pa'ia o aiga.

O le polokalama fa'apitoa mo le Fono Faitulafono na soso'o ai ma taua'aoina ai le Iugafono Malilie Fa'atasi a le Fono Faitulafono e taualoa ai le auaunaga a Fagafaga ma lisia atoa ai mea uma sa fa'amaite ma tautua ai i le malo, ekalesia, fa'alapotpotpoga tumaoti, ma sosaiete, ae maise o lona avea fo'i ma Faipule o le Itumalo o Ituau mo ana nofoaiga e lua na soso'o ai e afua i le 1989.

O ia fo'i o se Liona, ma sa tula'i mai fo'i e avea ma se Faipisinisi fa'amaite mea lelei ma tautua lautele fou mo tagata, e aofia ai le Bluesky Communications ma le Malama Cable TV. E i ai foi pisinisi a lona aiga sa fa'atautaia M& M i Fagatogo.

O le afioga i le Lutena Kovana na taua'aoina aloaia le Iugafono ia Marcus.

O le toe saunoaga a le aiga mai le tofa Mase Akapo Akapo, ma sa ia fa'afetaia ai le pa'ia o le faigamalo, i ona taitai ma le Fono, ae maise le sui o Amerika Samoa i le Konekeresi Aumua Amata ma pa'ia o le Ekalesia Katoliko.

Na ia saunoa fo'i e tusa o le vaega mulimuli o le polokalama mo i latou uma e fa'atasi atu i lona falelauasiga i lona oliolisaga tumau i lona aiga ma lona maota i Vaitogi.