Pago Pago - AMERIKA SAMOA

FUAFUA LE TAUNUU MAI O SE FESOASOANI A LE MALO TELE 

Ua fa’ailoa mai o le a to’ai taunuu mai le fesoasoani mai le Malo tele ona o le pesia ai o le tatou teritori i leCovid-19, i le vaiaso nei. Ua mafua ona fa’ato’ai mai lea fesoasoani ona sa faia se talosaga fa’apitoa e le tatou Kovana i le manaomia o i ai le tatou teritori i le feagai ai ma le Covid-19 ua pipisi nei i le atunuu.

O lo ua fa’ailoa mai le silia ma le to’a 50 le aumalaga o lo’o ua fa’avasega to’ai taunuu mai o sui nei o le FEMA, Sui o le US CDC & Prevention ma le Dept. Health & Social Services ma isi fo’i sui iloga o pa’aga a le Feterale.

O le vasega lenei o foma’i pe afai e to’ai taunuu mai o le a fa’asolo i tua i falemai lea e faia ai suega ma nofoaga o tuiga, o iina o le a fesoasoani malosi i ai i latou.

O isi sui o le aumalaga lenei o le a fa’anofoia le falema’i i Faga’alu ina ia mafai ona fesoasoani i le fa’asologa atu o gasegase ua pesia ina ia latou mataituina ni togafitiga e tatau ona faia mo i latou.

O lo ua i ai lava le va’alele ua malaga faapitoa mai ai lenei aumalaga, ma ua aumaia ai fo’i le sapalai o tui puipuia ma suega o le Covid-19.

Ua fa’ailoa mai o lo ua maulalo lava le sapalai o tatou tui puipuia faapea ma suega lea e fa’amoemoe e toe maua mai le isi sapalai i le uta a le Va’alele o le Cargo lea malaga mai i le fa’ai’uga o le vaiaso ua te’a nei.