Ads by Google Ads by Google

Tala I Vaifanua

ALIITAMA SOTOA - TAITAIFONO PATI TEMOKALASI I AMERIKA SAMOA

 

O le aso Faraile talu ai na faia ai le palota a le Pati a le Temokarasi i Amerika Samoa ma fa’atino ai loa le latou palota mo se ta’ita’i o lenei fo’i vaitau e tula’i mai mo i latou uma. Ua avanoa le nofoa lenei sa alaala ai le tofa Fagafaga Daniel Langkilde ma ua alagatatau fo’i ona faia lea palotaga.

 

Ua i’u le palotaga ma ua mautu le filifilia o Ali’itala Sotoa e avea ma Taita’i Fono le Vaega Fa’aupufai a le Temokalasi. Ua fa’apea fo’i ona mana’omia lava se isi sui o le komiti mo Tama ma ua filifilia ai le susuga Marcus Langkilde i lena tofiga. I le taimi nei ua tula’i mai le laulauatofi a le Vaega Fa’aupufai a le Temokalasi - Taita’ifono: Ali’itama Sotoa; Sui Taitaifono Taimalelagi Claire Tuia-Poumele; National Committeewoman Petti Matila, National COmmitteeman Marcus Langkilde; Failautusi o Salaia Gabbard, ma le Teutupe o Caroline Rising-Maxey.

 

E tusa ma le to’a 90 i latou na auai i lea po iloga o le Vaega Fa’aupufai a le Temokalasi, ma sa fa’atino ai fo’i a latou fiafiaga e taumafai ai ona tu’ufa’atasia le latou fa’amoemoe tele ia Mati 3, 2020, lea ua fa’amauina e avea ma latou aso iloga i le teritori i Amerika Samoa.

 

Ua fa’ailoa mai o le isi tu’ufa’atasiga a le Temokalasi o le a faatautia lea i le aso 14 Novema, 2019, ae o le a fa’ailoa mulimuli mai le nofoaga e fa’atasia i ai i se taimi o lumana’i.

 

Ua fa’ailoa e le ali’i Fa’atonu sili o le Temokalasi Andrew Berquist, e mafai lava ona e fa’afesiligia se mataupu tau le temokalasi pe a e feso’ota’i mai i le emeli: andrew.berquist@gmail.com

 

TALI LE FA’ATONU - TULAGA FOMA’I MANU MATAGALUEGA O FA’ATO’AGA

 

Ua fa’ailoa e le Fa’atonu o Fa’ato’aga Filifa’atali Mike Fuiava, “Ua le mafai ona ta’u manino mai e le Alofa mo Meaola se atoaga o le latou fonotaga ma le afioga le Kovana Sili Lolo Moliga e tusa ai o le foma’i manu o i ai nei a le matagaluega.”

 

“O le iuga atoa o le latou talanoaga, ua fa’atulaga ai le Foma’i Manu Dr. Ken Lameta e nafa ma le va’aiga o lafu manu ae taoto pea le tulaga o meaola fa’afagafao e va’aia patino lea e le Alofa mo Meaola, e mafai fo’i ona aumaia e i latou se foma’i manu fa’apitoa mo meaola,” o sana tala lea.

 

I le fonotaga lava lea, sa fa’ailoa ai e le Alofa mo Meaola i le afioga le Kovana, o le a latou aumaia se foma’i manu e ofo mai lana tautua e galue mo fagafao a aiga. Ma ua fa’apena foi ona manatu le matagaluega, o le a tu’u ai fa’apena lea mataupu.

 

“Talu mai lea fonotaga a le Kovana sili ma le Alofa mo Meaola, ua le toe tagofia ai lava ele ali’i foma’i manu se togafitiga po’o se taotoga o meaola fa’afagafao a aiga, ae ua na’o le va’aia lava e ia o lafumanu a tagata e i ai pua’a, povi ma moa,” o se tala lea a Filifa’atali.

 

“E lei toe okaina fo’i e le matagaluega ma le foma’i manu nisi o vailaau mo le togafitiga o ma’i po’o le puipuiga fo’i o meaola fa’afagafao mai ma’i o manu.”

 

I le taimi nei, ua matua tele na’ua fa’amaumauga a le Alofa mo Meaola ua mae’a tu’ufa’atasia, ua fa’amaonia ai, le latou mau, ua matua tele lava meaola ua maumau lo latou ola, ona o le sasi ona togafitia pe le sa’o fo’i le faiga o latou ta’otoga a le ali’i foma’i manu o i ai nei a le matagaluega o fa’ato’aga.

 

Ua fa’ailoa e tusa ma le 30 o meaola na mamate lava ina ua mae’a latou taotoga na fa’atino e Dr Lameta. Ua i ai fo’i i lea lipoti fa’amaumau, na fa’afaigaluega mai le Foma’i Manu lenei e le Matagaluega o Fa’ato’aga i le masina o Aperila, 2019, e tusa ma le 10 taotoga o meaola na ia fa’atinoa, ae na mamate uma lava le 9 o i latou nei ina ua mae’a le taotoga.

 

Ua lipotia mai e le sa’o na ia togafitia meaola, ova fo’i le tele o vaila’au e fa’aaoga i ta’otoga o meaola, ma e fa’aaoga e ia vaila’au sese ma ua leai se agaga alofa i meaola o lo’o ia taotoina.

 

Ua fa’amauina fo’i e silia ma le 40 fa’asea ua mae’a fa’amauina e fa’atatau i le tatou foma’i manu, ma ua manino lava na tusia mai e i latou e ona nei meaola ua mamate.

 

Ua fa’amauina fa’amatalaga a nisi uma o nei sui e ona meaola ua mamate i o latou taotoga, “O le filifilia mai o lea sui e avea ma tatou foma’i manu, e le’i filifilia sa’o mai i ala fa’aletulafono o le sailiga o sui e tula’i i nei tofiga i le matagaluega o fa’ato’aga. Ua le sailia muamua se agava’a o i ai i lenei sui e mafai ai ona ia fa’atautaia taotoga o meaola uma o so’o se ituaiga. Ma ua tula’i mai lava sa filifilia to’atasi lava e Fuiava lea sui, aua e le o se tasi ua agava’a e galue i le teritori o Amerika Samoa o’o le Iunaite setete e pei ona tatau ai lava ona mua’i saili se tasi e agava’a i le foma’i manu.”