Ads by Google Ads by Google

Tala I Vaifanua


O le Pulega a le Kamupani o le Bluesky Communications au alo ane e fa’alauiloa le fa’amanatuina o le latou 20 tausaga i lenei tausaga, ma ua latou fa’ailoa ai se polokalama matagofie e fa’atauva ai le fanau a’oga, faia’oga po’o sui totino o le PTA mo a’oga maualuluga uma i le teritori. E le gata i lea a’o le lato Summer Bash Carnival ma le Koneseti ua fa’atulaga mo Iulai 20, 2019 mo aiga uma lava, e leai se ulufale e totogia. [ata: Leua Aiono Frost]

FA’AILOGA LE 20 TAUSAGA O LE BLUESKY COMMUNICATION:

 

O le tausaga lenei e atoa i ai le 20 tausaga o le Kamupani a le Bluesky Communications ma ua latou fa’atulaga ai fo’i se polokalama aoga tele mo le fanau talavou ina ia fa’aleleia atili ai o latou fa’amanatuga o le latou aso fanal ia Iulai 20, 2019.

 

Ua mafua ona vare fa’alauiloa lea fa’amoemoe, ona ua feliua’i le tofa ma le moe i le mamalu o le Pulega a le Kamupani a le Bluesky Communications i se polokalama e fa’aaoga tupito i le fanau talavou, le tupulaga faia’e o le atunu’u, e ao ina fa’aleleia atili lo latou silafia lelei e fa’aaoga tautua eseese ua ofoina mai e le Bluesky Communications i le mamalu o aiga uma i le tatou atunu’u.

 

Ua tasi moemoe le fa’aiuga o le a fa’aaogaina le $20,000. ua tapena e le Bluesky mo se ‘tauvaga poloketi fa’atekonolosi’ a le tupulaga ua a’o’oga i a’oga maualuluga uma i le atunu’u.

 

O tusi talosaga e taua’aoina i fanau a’oga, faiaiga, faufautua po’o se sui o le PTA e fia fa’aulu sana poloketi. O se galuega fa’atinoe tatou ona aoga tele i le a’oga maualuga ma ona tamaiti aoga.

 

O le a le fa’atauva mo se fa’atupega o lau poloketi lea, ae o le a filifilia mai poloketi e sili ona taua e lautogia, ua le fa’ailoa maia fo’i pe fia ni poloketi o le a filifilia.

 

Ona o lo ua mafai ona piki nei le tusi talosaga i le Ofisa Autu i Nuuuli, lea ua tatau ai ona vave fa’alauiloa le latou faamanatuga o le atoaga o le latou 20 tausaga. O le avanoa lelei lea mo nisi o vasega fa’ai’uaso latou te tu’ufa’atasia ai se meaalofa lelei mo le latou a’oga a’o le’i tu’ua le Laumua sa fa’afailele mai ai lona olaga taumafai i a’oa’oga lautele.

 

Peita’i ua saunoa fo’i le tama’ita’i ua avea ma sui fa’asalalau o le Bluesky Communications, Sherry Felise Sele, “O le Bluesky ua naunau lava i latou ina ia  fa’ailoa ma tu’uina tau le tele o ituaiga o ala o feso’ota’iga fa’atekonolosi e mafai ona fa’aaogaina i totonu o so’o se aiga, ia fa’afaigofie ona soifua i latou i lenei fo’i suiga o le talutalufou o lenei vaitau ma le alua.”

 

O se tasi lea o ala o le a galulue feso’ota’i ai tupulaga o lo’o i aoga maualuluga, faamautu se ala e mafai ona fesoasoani ai i le Laumua ma Matua. Ia malamalama i le tele o polokalama ua ofoina mai e le Bluesky e fa’aaogaina ia soifua feso’ota’i i tatou uma, o matua ma fanau atoa ma aiga i nofoaga e mamao.

 

O le masina o Iuni 20, 2019 o le a fa’amuta ai ona toe taua’ao mai lau talosaga ua mae’a fa’ailoa mai ai le poloketi fa’atino mo lau aoga. Manatua ua tatala le avanoa mo tamaiti aoga, faia’oga, faufautua po’o se sui totino fo’i o le PTA, Sosaiete a Matua ma Faiaoga.

 

Ia Iulai 20, 2019, lea ua manatu ai le Bluesky o le a fa’amanatu fa’apitoa ai le latou 20 tausaga ua fa’atulaga ai le “Summer Bash Carnival” mo Aiga uma e auai ane i le Malae o Suigaula i Utulei. O le a tatala ai se matou “Water Park”. O le  taimi muamua lea o le a faia ai lea ituaiga fa’afiafiaga i le Suigaula.

 

“Ua faia ta’aloga uma lava nei i luga o le Sami ose Water Park, lona lua o le a tele nofoaga o le a fa’atula’ia i le Paka i Utulei, e faafiafiaina ai aiga uma o le a ulufale i ai i a latou ta’aloga ma tautua eseese o le a ofoina mai, o nisi fo’i o ta’aloga mo i alto o le a afea latou nofoaga.

 

Peita’i o le a sami lea aso tele i le Koneseti ua fa’atulaga mo le susuga George Vekoso “Fiji” lea ua mae’a fa’ailoa mai e le misia ona sau i Amerika Samoa mo lenei fa’amoemoe lelei.

 

O le fa’afetai lava a le Blue Sky, na fa’aleo mai i le to’atele o i tatou o lo’o latou fa’aaogaina a latou telefoni ma tautua tau feso’ota’iga fa’ainiteneti, o le  Moana Televise fo’i, aua o i latou fo’i nei ua avea ma e ua gafatia ai e i lato ona fa’atino nei mea uma mo le mamalu o Amerika Samoa.

 

I le taimi nei ua o’o atu le toatele o le aufaigaluega atoa a le Bluesky i le 100, ae o le 92% o i latou nei o tagata Samoa. Peita’i, o se mea e sili ona fiafia ai le Bluesky Communications, aua ua silia ma le $20miliona le aotelega o ana fesoasoani na fa’atautaia ma o loo faaauau pea lava nisi, mo le mamalu lautele o tagata e ala i tautua eseese, mai le 20 tausaga lenei au ausia.

 

O ala e fesoasoani e ala i fa’atupega mo nisi o polokalama fa’atino mo le atunu’u faatasi ma nisi Kamupani po’o le Malo fo’i, o avanoa fa’asikolasipi mo le fana a’oga i Iunivesite ma Kolisi i fafo, o le a’otauina o fanau i tomai mo’omia mo i latou e agave’a ai i ni galuega eseese. O fa’atupega fo’i o nisi o fa’amoemoe mo i latou e mana’omia le fesoasoani, fa’atasi ai ma le tele fo’i o latou foa’i na faia mo le tele o fa’alapotopotoga, ekalesia ma isi sosaiete i totonu o le atunu’u fa’atasi fo’i ma le Malo o Amerika Samoa ma nisi o vaega eseese o le Malo sa fa’auia i latou mo se foa’i.

 

FA’AILO MO AFIO’AGA TA’ITASI - VASA & OFISA MATAUPU TAU SAMOA:

 

Ua amata le taumafaiga tautai lua a le VASA ma le Ofisa o Mataupu Tau Samoa, e saillie ai se tasi e mafai ona tusia mai mamanu matagofie e tusia ai Laupapa Fa’ailo igoa o afio’aga uma ta’itasi o le atunu’u, i Tutuila, Aunuu ma le Manu’atele.

 

 O lenei tauvaga ua tatala lea mo i latou uma e talenia i le tusi ata, ma e mafai ona tele lava au ituaiga mamanu e fa’aulu, e le taotasi i sou avanoa e tasi, ae ia eseese au mamanu e tusia mai.

 

Peitai e tolu lava mea ua fa’atulaga e fa’amasinoina ai mamanu uma o le a fa’aulu mo lea tauvaga:

 

- E tatau ona matauina i lau mamanu fa’aulu, o se mea e fa’ailo ma patino ia Amerika Samoa o se atumotu ae le na’o se nu’u po’o se motu e tasi.

 

- E tatau fo’i ona fa’ailo ai le aganu’u a Samoa, ona sosia ma puna’oa, ma ana measina.

 

- E ao ina tusia, pe vali fo’i o se ata, po’o se isi lava ituaiga o atisi e fa’amatala ai le matagofie o le tatou atunuu.

 

O le taimi ma le aso e fa’amuta ai le fa’aulu mai o sau ata o le titula e 5:00 i le afiafi o Iuni 14, 2019, ma e molita’i ane i le faletalimalo o le Sadies by the Sea, i le Ofisa o lea faletalimalo i Utulei. A le o lena e mafai ona e fa’aulu mai i le meli a le Emeli visitamerikasamoa@gmail.com pe alai e faigofie atu lea nai lo le tau sau i le taulaga mo lea fa’amoemoe.

 

Ua fa’atulaga le $500. mo le sui e manuali lana ata mo lea fa’amoemoe a le VASA ma le Ofisa o Mataupu Tau Samoa, o i tatou na e fa’atutuina nei fa’ailo mo afio’aga tacitasi i le atunu’u atoa.

 

MASINA FAAPITOA MO TAUMAFAIGA IA TAOFIA LE ULAULA TAPAA:

 

Ua mae’a ona faia le faatasiga a le DOH Tobacco Diabetes ma Peresetene o PTA ta’itasi a A’oga uma i le teritori, sa vala’auina fa’apitoa mo se latou avanoa e mafuta fa’atasi ai ma taumafai e fa’ailoa tau le a’afiaga tele o le soifua maloloina o so’o se tasi ua tagofia pea le tapa’a po’o sikareti.

 

Mai nei sui mamalu o PTA o le a mafai ai nona latou taumafai e talanoa atu i a latou fonotaga i le mamalu o Matua ma Faia’oga ina ia taofia le ulaula tapa’a, a’o va’ai i ai le fanau a’pga.

 

I le fa’atasiga lea sa faia i Lupelele Room a le Tradewinds Hotel i Naumati, sa tula’i ai nisi o nei sui o PTA ma fa’ailoa mai, “O le tele o tausaga sa ou ulaula ai, sa ou le iloa lava le tele o nei vaila’au o’ona o lo’o aofia i le tapa’a e tasi, Ae le tasi se sikaleti e ula i le aso, e lua pusa sa o’o i ai le ulaula.”

 

Ua natalia fo’i fa’ailo ma tima’iga a le DOH Tobacco Diabetes ina ia fesoasoani ia te’i latou uma o tagofia le sikaleti, ina ia tu’u loa, ae fili ane e tahsi le soifua maloloina.