Ads by Google Ads by Google

Tala I Vaifanua

MALOSI TELE LAS VEGAS NAI LO AMERIKA SAMOA - 46-0 LAS VEGAS

 

Na mafai ona maimoaina le ta'aloga atoa i le va o Las Vegas ma Amerika Samoa i ta'aloga a le JPS lea e malaga ai le tatou 'au Football Elementary ma le Au Football fili a A'oga maualuluga, ma iloga ai le malosi tele o le au mai Las Vegas.

 

O le i'uga o le ta'aloga muamua e 46-0 malo ai Las Vegas lea e fa'aigoa o le "Vegas Strong". O le lona fa ai lenei o ta'amilosaga a le Junior Prep Sports Paradise Classic ua au ai Amerika Samoa.

 

Sa sofa'i mai lava le “Vegas Strong” i le amataga o lea fetauiga mata'ina ina ia togi le polo amata, sapo mai e Vegas ma sau lava sikoa.

 

Mai lena lava taimi e o'o i le fa'aiuga e na'o le fa'atolu first downs a Amerika Samoa i le ta'aloga atoa.

 

E ui i lea tulaga, ae fa'alua ona fa'asalavei e Metuliki Tupou le pasiga a le Vegas Strong, o nisi ia o taimi e malomaloa ai le tapua'iga a le vasega o e uma na maimoa, aua ua manatu le to'atele o tatou sui na maimoaina lea ta'aloga, o le a maua ai se sikoa mo le tatou 'au masi'i i lea taimi.

 

Peita'i, e vave toe lelei tele le puipui mai a Vegas Strong, ma ua le manuia ai le taumafaiga a le tatou 'au mo se sikoa e tau 'ai ai.

 

O le aso Faraile lea sa toe fa'atulaga ai le isi ta'aloga fa'asamasamanoa a le tatou 'au mo lenei tausaga. Ae o le tatou 'au High School JPS Football sa fetaui ma le 'au a North California, peita'i e na'o le tasi lava le taimi na manumalo ai Amerika Samoa ia NorCal, o le ta'aloga faitaulia o le tausaga 2016.

 

LE FA'AITIITIA TOTOGI TAGATA FAIGALUEGA A LE ASPA

 

Ua le fa'ataunu'uina ona fa'aitiitia totogi o le aufaigaluega a le ASPA e pei ona fa'ailoa i ona tagata faigaluega i le amataga o lenei tausaga fa'aletupe. Ua fa'ailoa e Wallon Young, lea ua avea ma CEO le tumau a le ASPA i le taimi nei, ona ua mafai ona latou fa'aitiitia latou tupe fa'aalu mai nisi o latou mea sa tele ai le fa'atauga.

 

O lea tala, sa le mafai ona fa'ailoa patino mai po'o a tonu tautua nei sa so'ona fa'aalu ai latou tupe, ae mautinoa le mea lenei, ua si'itia le tau o le eletise, ae le o silafia e le lautele le ala o si'itia ai mai ia i latou e i ai latou Mita Debit.

 

E moni o lo'o 56 pea lava unite ua va'aia e oso a'e i le fa'atauga mo le $10 ae ua le atoa le taimi masani e o'o i ai le malosi o lea $10 ae leai ni mea o suia i lou fale. O le ala ua si'itia ai le tau, ua fa'aititia le numera o kiliki i le tasi le unite o le eletise. Sa fa'atau mai le amataga o 150kiliki tasi le Unite, i le taimi nei ua na'o le 90 pe ua i ai nei. Mai le amataga o Mita Debit sa fa'amanino ai, e mafai ona si'itia le tau o le eletise i lea fo'i ala, ae le silafia ai e le lautele o lo'o si'itia le tau o le eletise.

 

I le taimi na fa'atau ai le eletise a le tusitala na fesili ai i le tulaga o kiliki ma fa'amaonia ai lea tulaga i le lua vaiaso o totoe o le tausaga 2018.

 

Na sauniuni lava le ASPA mo le fa'aitiitia o latou totogi e tusa ma le 10% sa logoina i ai ia Setema 2018. Peita'i o lo ua o'o mai i le taimi nei, ua le o'o lea fa'aitiitiga o totogi o tagata faigaluega.

 

Ua le o'o fo'i ona aumaia e le ASPA lea latou fa'atauga o Pou Uila mai le Malo o Tonga. Ina ua fesiligia Wallon ae fa'ailoa mai, ua taofia ae ua toe iloilo toto'a i ai i le tulaga anagata o nei pou moli po'o talafeagai ai ma le tau.

 

O se tasi lea o poloketi e ao fo'i ina taga'i toto'a i ai, aua e tatau ona taugofie atu poumoli mai Samoa ona o le tulaga o le seleni, nai lo le tau o poumoli mai Tonga aua e taugata le Pa'aga Tonga, ae lua tala Samoa i le tatou tala Amerika e tasi.

 

TATALA LE FALEAIGA FOU - "LE FONUEA" - PAKAGA EOB UTULEI

 

Pe afai e afe lau ta'avale i le pakaga i autafa o le EOB po'o le Maota o le Malo i Utulei, ua mae'a tatala faitoto'a o le fale'aiga a "Le Fonuea" i le isi ona vaega. Ua mae'a si'omia fo'i lana vaega o le eleele lea e fa'atutu ai laulau ma fa'amalumalu mo e fia alaala i lalo ma tausami a latou 'aiga.

 

Peita'i i totonu o Ofisa o le Malo a'o le'i o'o le savaliga i tua, sa fa'alogoina ai le tele o faitioga mai nisi o na ofisa. "A na ta iloa o lo'o mafai ona tatala se fale'aiga i lea itu o le pakaga, e mafai lava ona talosaga i le DOC e faia i lea itu le matou fale'aiga. Sole, tailo fo'i i le PNRS pe na va'ai i lea tulaga?"

 

Ina ua siakia le Ofisa o le DOC, na fa'ailoa mai ua pasia mea uma e o'o fo'i i le PNRS ua mae'a pasia mai lena itu o le galuega na fa'atino e lea Komiti fa'apitoa mo le fausaga o fale ma o latou tulaga, fa'atasi ai ma pakaga o ta'avale pe o i ai sana ia lava pakaga.

 

Ua le mautinoa la pe ua pasia o se fale'aiga le tumau lona fausaga, ua na'o se fale e o atu fa'atau ma ave mea'ai peita'i ua va'aia ua fa'atula'ia ai ma laulau ina ia alaala tagata ma tausami a latou 'aiga na fa'atau.

 

Mai le Ofisa o Femalaga'iga sa pisapisao ai nisi i le taeao o le aso Lulu ma fai mai, "E leai ni pepa fa'ailo o nei Saina e serve ma kuka ai i lea fale'aiga. Peita'i e iloa lelei ona o le tama'ita'i e ona lea fale'aiga o se tasi o Fa'atonu, e mautinoa lava ua mae'a va'ai toto'a o ia i lea tulaga, a'o le tatalaina le fale'aiga ma tautuaina le atunu'u e nei tagata faigaluega.”

 

O Le Fonuea, o lo'o pulea ma fa'atautaia e Liu Siakisone ma Eseneiaso Liu, le fa'atonu o le Matagaluega o Tagata Faigaluega a le Malo.

 

Ua aoga fo'i lea fale'aiga e tu lata i Ofisa uma o le Malo i le EOB ma ua fa'afaigofie ai ona maua 'aiga o le aoauli ma le malutaeao mo tagata faigaluega, ua le tau o ese fo'i i latou mai Utulei, ae ua na'o sina savalivali ane lava, maua le 'aiga.

 

Ua iloga fo'i le sapaia lelei o lea taumafaiga e le mamalu o e faigaluega i le tatou