I le fa’au’uga a le Aoga Maualuga a Tafuna i le aso Gafua, na fa'alauiloaina ai nisi o fanau fa'au'u sa agava'a i fa'ailoga fa'apitoa i lenei tausaga 2018.

O le togisilia sa mauaina e le tama'ita'i o Nicole Semeatu; tulaga lua sa mauaina lea e Mua Fiatoa, a'o le tulaga tolu na maua lea e Isek Kuki. O ia fo'i lea sa mauaina le fa'ailoga mo le Togisilia i le Suega SAT 1300+ ma le AST 25+.

O le fa'ailoga mo le Amio Lelei i le vasega fa'aiuaso na maua e Hanna-Lei Utu, a'o le fa'ailoga mo le Taitai agava'a sa maua e Celestila Lotulelei. O le fa'ailoga mo le tama ta'alo lelei ua maua e Talaileva Sufia ma le tama'ita'i ta'alo lelei ua maua e Sologaliua Te'i.

O le tama Ta'alo o le tausaga ua maua e Utusilia Momoisea ma le Tama'ita'i Ta'alo o le tausaga ua maua e Tofamamao Tasesa. O le fa'ailoga na tapena e le Rotary Club of Pago Pago na maua e Athanasius Talataina ma le fa'ailoga a le McDonalds Restaurant of American Samoa na maua lea e Angel Amosa.

I le tauvaga o le Numera i le teritori o Amerika Samoa ua maua ai e le a'oga maualuga a Tafuna i le 2018 le fa'ailoga fa'apitoa mo le Tulaga Lua i le aotelega o togi uma o e na tauva.

Peita'i sa tulaga muamua ai Isek Kuki i le Numera mai le vasega 12 i le teritori atoa.Tulaga lua le tama'ita'i o Mua Fiatoa o le vasega fa'aiuaso lava.

I le Young Writers Essay sa tauva ai nisi o le fanau a'oga sa tulaga tolu ai Isek Kuki i le teritori atoa. O le tauvaga a le Speech Festival na maua ai e Tafuna High le tulaga tolu i le aotelega o togi mo e uma na tauva. Tulaga muamua i le Contemporary Choral Recitation, Tulaga Muamua fo'i i le Free-Style/SLAM Poetry, tulaga lua i le Oral Interpretation of Literature. Tulaga tolu i le Original Script; tulaga tolu i le Impromtu Speech, tulaga tolu i le Story Telling; tulaga tolu i le Traditional Choral Recitation.

I le tauvaga tusiga Tala Fa'asamoa ua maua ai e Tereise Te'i le Tulaga muamua.

O le tauvaga o folasaga o "Galuega Fa'afomai" po'o le HOSA, ua maua ai le tulaga tolu e le A'oga Maualuga a Tafuna. O le tauvaga i mataupu tau Tausitusi ma Su'etusi na maua ai e Tafuna le tulaga 2 i le aotelega o togi o i latou uma na tauva.

Na tulaga lua i le Accounting Cycle na avea lea e Anthanasius Talataina ma le tulaga fa sa maua lea e Taualai Pati ma Josalin Tuna.

Fa'ailoga mo le National History Day a le teritori ua maua ai le tulaga muamua i le  "Individual Performance" e Anna Marie Kutty. Tulaga muamua i le Group Performance na maua lea e Lydua Atuai, Safuiane Fonoti ma Simeamativa Faleafine.

Tulaga lua i le Individual Website na maua e Athanasius Talataina, Tulaga lua i le Historical Paper na maua e Vini Sipili. Tulaga tolu i le Individual Documentary na maua e Max Aperaamo, ma le tulaga tolu i le Individual Exhibit na maua e Mua Fiatoa.

I le aotelega na maua ai le Tulaga Tolu e le tama'ita'i o Anna Marie Kutty ae manumalo ai Tafuna High i le Aotelega o Galuega Fa'atino uma na fa'atauva i le 2018.

I le tauvaga atoa a le Iunaite Setete ma ona teritori, ua maua ai e le tama'ita'i o Anna Marie Kutty le tulaga 4 mai le fa'aaliga sa faia i le University of Maryland.

I tauvaga o Mataupu Fa'asaeanisi, “Science Symposium" na tulaga fa ai Wilson Reid, ae tulaga lima Vini Sipili. I Galuega Fa'atino a le Science na tulaga lua Vini Sipili i le Math category, Tulaga lua le galuega a Hannah-Lei Utu i le Behavioral Science, ae tulaga tolu le folasaga a Wilson Reid i le Biochemistry Category.

I le vaega o le JROTC ma fa'ailoga fa'apitoa na maua ai e Tafuna High le tulaga tolu i le Overall in Cadet Challenge, Tulaga muamua i le Air Rifle ae tulaga lua i le aotelega o togi mo le Drill Competition.

O fa'ailoga ua taua'aoina mai e le US Marine Corps ua maua ai e Joshua R. Galea'i le Scholastic Excellence; Distinguished Athlete ua maua e Fiapa'ipa'itufanuaimeaatamalii Fanene; o le Musical Award ua maua e Jozlynne Husseini ma le JROTC Award ua maua lea e Arona M. Muta ma le Science Award ua maua e Wilson Reid.

O le fanau ua ausia togi maualuluga 1100 i le SAT ua aofia ai: Ida-Lina Wilson, Joshua Galea'i, Mua Fiatoa, Terenuku Tofaeono ma Vini Sipili. Fanau ua ausia le 1000+ togi i le SAT ua aofia ai: Anna Marie Kutty, Fotuatua Afioa'e ma Lydia Atuai.