“O LE FA’AMAONI”

I se nu’u mamao lava, sa iai se alii e fitu tausaga, e igoa ia Poto. O se alii e lelei tele i le su’esu’e ma ta’aloga.  Ae sa iai se uo a Poto, e igoa ia Sefo, o se alii e ulavale tele.

O se tasi aso, na faapea atu ai le faiaoga a Poto ma Sefo, “O taeao o le a fai ai se tatou su’ega o le gagana Peretania.”

Sa faapea loa ona su’esu’e malosi ia le alii o Poto.  Ae o Sefo, ua fai atu ia Poto, “Tago e tusi i lalo au tali, ae o lea o le a ou kopi atu iai.”  Ona sa le’i mana’o ia Poto e le fiafia atu si ana uo o Sefo ia te ia, na ia faapea atu ai, “Ia ua lelei.”

Ina ua mae’a le su’ega, sa tau fai sili uma maka a Poto ma Sefo.  Na matua’i fa’ate’ia ia le faiaoga ona o lea tulaga, ma ia manatu ai e faapea, “E iai le mea lea e tupu i’i.”

O le aso na soso’o ai, sa fai ai se su’ega o le Numera.  Ma ua tago le faiaoga i le sui ia le kesi e nofo ai ia le alii o Sefo ma ua tupu ai nei le fa’alavelave, ua le iloa e Sefo tali se fesili e tasi o le su’ega.

E uma ifo le su’ega, ua tau fai fetagisi uma ia nei alii e to’alua.  Ua faapea atu nei ia le faiaoga ia Poto, “O se uo faamaoni, e na te le fesoasoani i seisi e fai se mea sese.  O se uo faamaoni, e fesoasoani e fai le mea tonu ma le sa’o.”

[IA MANUIA FUAFUAGA O TOTOE O LENEI VAIASO]