Lafulafu a tama seugogo
Mon, 10/29/2012 - 11:50am
O se va’aiga i nai tama’ita’i o lo o faatino se tasi o tala mai anamua i se alii Samoa na iloga i le fa’agatama o le seugogo ma ona o le a’ave o tala i le lelei o le seugogo a lenei ali’i, na lolofi mai ai taupou o Samoa e fia va’ai i lenei alii ma le a’ave atu o tala i le lelei o lana seugogo.
Ae paga lea, na faateia nei tama’itai ina ua latou va’aia lenei ali’i, oka se auleaga. Ae sa lilo ia i latou, ua mafua ona auleaga foliga o lenei ali’i, ona o lo o valu ina ia mafai ai ona lilo i totonu o le togavao.
O iina e afua mai ai le muagagana “Lafulafu a tama seugogo”. O se tala na faatino e le autalavou mai Futiga.