Ads by Google Ads by Google

Itiiti pe Tele, logo mai!

Ona o lenei lava vaitaimi o suiga tetele i le tatou faigamalo, ae maise fo’i o se va’aiga lautele i le atunu’u, ua matauina ai nai mea lelei, ua vave ona suia i le va’ai! Lelei tele lena faiga, ae paga lea, ua tuai fo’i ona fa’ataunu’u nisi mea, ona ua fa’atalitali pe o afea o le a pasia mai ai fa’auluuluga fa’ato’a oso fo’i lea o mea i luga o le fua?E lelei fo’i lea, ina ne’i tula’i mai si fa’atonu, ae ua fa’aletonu se mea, tupu se mea! Peita’i, e i ai mea e tatau lava ona iloa patino e tagata uma, e le mafai ona fa’atuai pe taofia ona o lo’o tau fa’apasia mai fa’auluuluga o matagaluega.Ua tatou iloa, e se’e ese lava nai fa’atonu tuai sa i ai, ae le sui fa’atonu latou e fa’atautaia mai le matagaluega se’ia toe fa’ao’o atu se suiga tofi mai le kovama ma ua fa’amaonia fo’i e Maota na lua. O le alafua lena e alu ai lava tatou, se matua leva fo’i ona mae’a le Ofisa o Leoleo o le Uafu, ae o lea lava e tatalia le tatala aloaia.Kama laiki lava ia e na’o na fai lava o le tatalo ma tatala loa ma fa’aaoga! Fesili atu fo’i i nai falea’oga le la e fausia, ae fai mai se’i tula’i moni lava si fa’atonu fou ona fa’ato’a ia fa’ailoa atu lea. Sole, ai ua tapuni ai ma le faitoto’a o mafaufau ali’i e fa’ailoa mai ai mea e faaaoga ai nai fale a’oga - aua le fa’ataga fefe ae a itiiti pe tele logo mai!