Ads by Google Ads by Google

IOE SE ALI’I NA LA FAIAIGA MA LONA LAVA AFAFINE

O le alii e 36 tausaga le matua lea sa tuuaia i lona faiaiga lea i lona lava afafine moni e 11 tausaga le matua, ua ia ta’utino i luma o le Faamasinoga Maualuga i le vaiaso nei e faapea, e moni sa la faiaiga ma lona lava afafine, ina ua maea ona ia faamatamata o ia i ata leaga.

O le tali ioe a le ula lea na faia lea i lalo o se maliliega na latou sainia ma le malo, lea foi ua talia e le faamasinoga.

I le tali ai la e le faamasinoga maualuga o le tali ioe a le alii lea i moliaga e 4 sa tuuaia ai o ia e le malo, ua faatulaga ai loa le lauina o lona faasalaga i le aso 15 Fepuari, ma o lo o taofia pea o ia i le toese i le taimi e faatali ai le aso lea ua faatulaga e lau ai lona faasalaga.

E 7 moliaga na ulua’i tuuaia ai e le malo lenei alii, ona o le faalavelave lea na tulai mai i le tausaga na te’a nei, i lona faia lea o ni uiga mataga i lona afafine, ae i lalo o le maliliega na sainia e le ua molia ma le malo, ua ia tali ioe ai i moliaga e 4 ae solofua e le faamasinoga isi moliaga e 3, e tusa ai o tuutuuga o le maliliega ma le malo.

O moliaga la e 4 ua tali ioe ai le ua molia e aofia ai lona faiaiga i lona afafine e laititi i lalo o le tulafono; faiaiga i se tagata e aiga i ai; sola ese mai le falepuipui, atoa ai ma lona tuuina atu o ni ata matagå i fanau laiti.

I le tali ioe ai o le ua molia sa ia tautino ai e faapea, i se taimi o le aso aso 6 Aokuso 2012 ao taofia o ia i le toese i Tafuna, sa sola ai i tua mai le falepuipui, ma fai ai loa a latou tuliga ma alii leoleo.

Sa ia tautino foi e faapea, sa ia tuuina atu ni ata matagå e matamata ai lona afafine e 11 tausaga le matua, ma ina ua maea ona ia faamatamata lona afafine i ata leaga, sa ia mana’o ai loa la te faatinoina ma lona afafine gaioiga uma sa faatinoina mai e tagata i totonu o ata matagå sa la matamata ai.

O lo o taua foi i se vaega o le maliliega e faapea, e leai se pa pupuni e taofia ai faamasino mai lo latou taliaina o le maliliega lea ua saini e le ua molia ma le malo, e ui o lo o tumau pea le tete’e o lenei alii i tuuaiga faasaga ia te ia, ona o le mea sa tupu.

I le mataupu a le ua molia ma le malo o lo o taua ai e faapea, e ui e le o malie le ua molia i faamatalaga a le malo e faatatau i le mea sa tupu, peitai ua malamalama le ua molia, afai ae fesiligia molimau a le malo i le taimi o lona faamasinoga, o le a latou molimau e faapea, sa ia faamalosia lona afafine e 11 tausaga la te faiaiga.

Ua malamalama foi lenei alii, afai ae tuuina atu lana mataupu e faataunuu se faamasinoga iloilo, e ono mafai e le malo ona faamaonia moliaga uma o lo o tuuaia ai o ia, ma e ono i ai foi le avanoa e tuuina atu ai se faasalaga pito sli ona mamafa ia te ia ona o ia solitulafono ua faamaonia.

Sa siitia e le malo i le maliliega ua latou sainia ma le alii lea le mataupu o le ‘North Carolina v Alford, 400 U.S 25;91 S. Ct. 160;27 L.E.D 2b 162.’

I le mataupu lea e pei ona siitia e le malo, e ui sa tumau pea le tete’e o le tagata na molia i le manatu o le malo, peitai sa ia malamalama, e ono mafai ona tuuina atu e molimau a  le malo a latou faamatalaga tauto i luma o le faamasinoga, ma latou faamaonia ai sa faiaiga le ua molia ma lona afafine moni lava.

Ina ua talia e le faamasinoga le maliliega a le ua molia ma le malo, ua solofua ai loa moliaga e tolu o lo o totoe ai, o le faaoolima mataga, tete’e atu i leoleo ao taumafai e pu’e faapagota o ia, ma lona faia o ni gaioiga e ono lamatia ai le saogalemu o fanau.

I le tuufaatasiga o faasalaga o moliaga e fa lea ua tali ioe i ai le ua molia, e ono mafai ona faasala e le faamasinoga o ia i le falepupui mo le umi e le sili atu i le 26 tausaga.

O lo o taofia pea le ua molia i le toese e faatali ai le aso lea ua faatulaga e lau ai lona faasalaga.

E ese mai ai i le mataupu e pei ona tausalaina ai le ua molia, e lua isi mataupu faapenei na tofu atu i luma o le faamasinoga i le vaiaso nei, faasaga lea i ni alii se toalua i lo la faia lea o ni uiga mataga i ni tamaitai.

O se tasi o mataupu e aofia ai se step father lea o lo o tuuaia i lona faiaiga i lona afafine fai ma i’u ina maitaga ai o ia.

O lo o tuuaia le faaaoga e lea alii o ni uiga tau faafefe ma le tau faamata’u faasaga i le tamaitai na aafia.

Ae o le isi mataupu, o se alii sa ia faia ni uiga mataga i se teineititi e laititi i lalo o le tulafono, e ala i lona faiaiga lea i ai e ui e lei faaipoipo i le tamaitai ua aafia.