I le afiafi o le aso Tofi ua te’a na atofa e le Faipule i Uosigitone mo ni fesili a le mamalu o le atunu’u mai itumalo o Tualauta ma Tualatai. O lea faatasiga na faia i Pavaiai.

Na mua’i fesiligia se sao o le faipule ina ia fa’ao’o mai se isi faletupe e fesoasoani i le tautuaina o le atunu’u. Ua mae’a va’ai toto’a fo’i i ai le afioga Aumua Amata i lea tulaga, ma ua feso’ota’i lava o ia ma taupulega o i ai nei, ina ia mautinoa ua fa’atula’ia mai se isi faletupe e fesoasoani i le atunu’u.

E le’i mafai ona fa’ailoa e le Faipule lona fanoga pe na te sapaia le taumafaiga a le “Fai le mea Sa’o” o i ai nei, ae na te lagolagosua le fanoga e ao ina i ai se isi faletupe e fa’atula’ia i totonu o le atunu’u. Ua tasi’i fo’i pili o gaoioiga uma e faia e le faletupe o totoe nei i Amerika Samoa.