O talanoaga i nofoaga faitele i aso fai pea

Ua aliali ai isi tagata ma o latou valea

E le faaeteete i faamatalaga soona faalele i le ea

Ma le soona tautala i upu ma tala eleelea

Sau le pasi i leisi aso agai mai i le falemai i le taulaga

Ae feosofi mai leisi alu tamaitai ma o la ogamanava

Na ona saofafai lava alu loa ma talanoaga

Ae talanoa i le ko a leisi teineititi la le e lei leva ona faauu mai Samoana.

Fai ai lava le leo ttele o talanoaga a le toalua lea

Pei lava o le pasi a le latou aiga lea e fai ai la mea

Uma na mulu le ko ae mulu le o atu o le teineititi o le latou tuaoi ma le Kolea

Lalau atu ai ma le tina o le teineititi i le fia fai mea.

A’o le vaega lea e toalua

O leisi na gata lana aoga i le aoga tulaga muamua

A’o leisi na nofo i le vasega 9 ua fai le toalua

Ia o le fautuaga

Vaai muamua tatou i o tatou lava soifuaga.

Sau pea le tatou asiasiga

Ua tatou taunuu mai i le afiafi i le taimi o tietiega ma tafaoga a aiga

Oi se mea foi a mataga o nisi o tagata inu pia ma a latou uiga

Tilotilo atu le fanau teine loomatua ma le toeaina

O sisi mai le ie o le ona i tua o le fale vaa i Utulei pei (tulou) o se faleuila

Sa tatau i leoleo o lo o feoai solo i lea taimi ona ave le vaega lea e loka i Tafuna

Molia i le tulafono o le ola faigaelo ma le le mafaufau i aso uma.

Toeititi tapu’e e ni tulisi tou ata

Ma o atu ma faasalalau i le lalolagi

Le tasisi o tou ie lavalava i tatou matafaga

E le o afaina ai le toatele o le atunuu o lo o tafafao lelei i lea nofoaga

A’o le fautuaga mo latou o lo o faia ia tulaga

Se fai ma se ava, o lo o silasila le lalolagi ma nai o tatou tagata

O le fautuaga mulimuli ia manatua

E le afakala pe seleni le pasese o le tagata matua pe kaakua.

Ua fiu nai avepasi i lo outou ola leaga

E ke oso aku i luga o le mama

Ae togi mai na’o le selegi pe afakala

Pe ete oso atu foi ua sina lau ava ma au fagupia o lo o afisi

Ae totogi lou pasese o le tamaititi aoga o le kolisi.

Ia tatou o uma taeao i le lotu

Faafofoga lelei i le lauga ae le o le fai fua o tala o isi ma a latou ofu

Manatua moeiini mau mata ma taofiofi ou lima i ou autafa.

Fai le alofa o le faifeau e faamanuia ai oe e le Atua

Ae aua le avea uma i leai sau bingo i le Aso Gafua.

Manatua Kelisiano taeao ma salamo pei o le atalii faamaimau oa

Ae kiapolo i le vaiaso atoa

Sole toe feiloai i le vaiaso fou

Tofa ia outou