Ads by Google Ads by Google

Fagogo: Tama o le CIA

Ina ua toe aumai le feau mai i o i le Fale Pa'epa'e e tatau loa ona alu le osofaiga, na  tapenapena le alu o le latou 'osofaiga e faatoa gaoi lava i le po pea a oo i le taimi ua sauni ai e alu.

Na tea loa el itula e valu ua pogisa mai le mea, ua amata ona savalivali tama agai i le fale lea o loo i ai le vaega leaga faatasi ai na fanau a le 'au maumea lea ua taofi faapagota nei e le vaega lea.

Na toe 50 iata fai uma loa meavaai e faaaoga i le po, ao isi vaega na faaaoga le isi ituaiga meavaai e ati i le tino o le fale, tusa pe uamea pe piliki ae mafai e i latou ona iloa atu tagata la e i totonu o le fale.

Na talia e le commander poo le taitai lea o le Navy Seal lea le manaoga a le Eteuati e fia alu ai foi i le osofaiga, ae e o atu i tua o laina lona tolu lea e tu ai le Commander o le osofaiga.

O soo se mea lava e faia i le taimi o le osofaiga e tatau lava ona iloa e le Commander le mea lea ua mana'o e sui i le taimi, o le vaega o le fale, ma le aofaiga o tagata, aemaise ai o le suiga la o le a fai.

Ia uma noa loa uma le tagata ma lana mea e fai e faatatau i le latou osofaiga.

E to'afa la e i le umukuka o le la e 'aai, e to'alima le isi vaega lena e nonofo i fafo i le isi itu o le fale o le la e tatanoa ai na ulaula a latou sikaleti.

O lona uiga e to'alua sefulu ma le fitu, le aofaiga o le vaega lea ua mautinoa lava le latou i ai.

Ia fesili atu loa le taitai i ai, "Ua mautinoa e outou e fia le aofaiga o tagata le la i lalo i le sela ?."

Fai mai le alii lea e i meavaai ai tagata, "E to'aono." fai atu loa le taitai, a sauni loa tama ua uma ona tofi e fana tagata ?, "Ioe." "Ia tasi lava le taimi e ta fana uma ai le to'alua na, ae faafefea outou lea ua sauni e o atu i totonu a le fale, "Ua sauni."

"Lelei e to'alua e o i tala atu o le fale e vaaia mai le to'alima, ae o le isi to'alua e vaai le vaega lea e i totonu o le umukuka, ua tou iloa ?."

10 minute ae toe ualesi mai uma vaega ua sauni, fai atu loa le ta'ita'i "Attack loa, ae sauni le isi toafa i le taimi e aumai uma tagata lea e totonu o le sela."

E le'i atoa le 20 minute ae toe ualesi mai loa le ta'ita'i poo LT "Ua uma e leai se isi o lavea, o loo ua matou o atu nei ma tagata e faamalosia."

Fai atu loa le ta'ita'i, "Vaai uma telefoni e manoamia e auai uma telefoni a le vaega lena, ua malamala mai ?."

O le taimi lena ua leva e Sera ua fiu e tatali se telefoni a Eteuati, ua sau le masalosalo a le teine, ua atoa lelei le 3 aso e le'i toe telefoni mai lava lana pe'u.

Ua oso mai isi mafaufauga ia Sera, 'E le'i iloa po'o ua maua se ana teine i o i le mea lea na fai mai o la e alu atu e maitau mai le fale, ae le iloa poo ai se fafine gutu 'oso ua faamaopo ifo i o ?'.