[Soso'o ane loa lau faitau i le toe soso'oina o la tatou tala fa'asolo, lea na gata mai i le vaiaso na te'a nei i le taimi lea aga'i atu ai le tama o Iasoni i fafo o le fale lea o lo 'o tausi ai Lorina ma faia ai loa sa latou talanoaga pu'upu'u ma ana ta'ita'i ‘au, ma ia fa'atonuina ai loa i latou ina ia tapena uma vaega 'ese'ese o le malo mo se osofaiga e tula'i mai i fuava'a ia ua va'aia i totonu o lona taulaga.]Na ona mae'a lava o le talanoaga pupu'u a le tama o Iasoni na ana ta'ita'i ‘au fa'apitoa i luma o le falema'i lea e tausi ai tagata fa'apitoa o le malo e aofia ai ma purinisese o Lorina, tu'uina atu loa ma lana fa'atonuga i ana ta'ita'i ‘au ina ia logo vave o ia i le taimi e taunu'u mai ai fuava'a i le vaega fa'asa o le taulaga a lona malo, ina ia mautinoa e tapena ma sauni uma ana fitafita o lo 'o leoleoina le maota atoa ai ma le taulaga atoa i so 'o se osofa'iga lava e tula'i mai.Na ona mae'a lava ona tu'uina atu e Iasoni o lana fa'atonuga i ana ta'ita'i ‘au, faliu loa ma sava'i aga'i i lana ta'avale lea o lo 'o fa'atali mai ai ana fitafita fa'apitoa e to'afa, a'o le'i o'o le tama i lana ta'avale, sa fa'afuase'i ona ia fa'alogoina se leo o vala'au atu ia te ia, \Iasoni