Ads by Google Ads by Google

FAGOGO: O KATI LE LEOLEO NANA

[Sosoo ane loa lau faitau i le tatou tala faasolo mo lenei vaiaso, lea na gata mai i le vaiaso na tea nei i le taimi lea na faateia ai alii fitafita e toatolu ia o lo o i totonu o le potu a le pule ina ua tulioso faafuase’i atu Kati ma ana leoleo faapitoa e to’alua ma ta loka mai i latou.]

 

Na pei o le emo o le mata gaioiga a Kati ma ana leoleo faapitoa i le ta lokaina lea o alii fitafita e toatolu lea ua masalomia sa latou auai i le faatinoina o le osofaiga lea na maliliu ai ni leoleo se toa 5 i luma o le fale faamasino i le tolu aso talu ai, ina ua faatoa maea le fofogaina o le faasalaga a le alii sui komesina o leoleo lea ua poloaina e faasala i le oti, ma o lea faasalaga o le a faataunuuina i totonu o le 20 aso talu mai le aso na lau ai lona faasalaga. Na ona uma lava ona ta loka o alii fitafita e toatolue Kati ma lana vaega, tuu i totonu o le latou sipi ma momoli loa i le falepuip;ui e leoleo a le malo, ae ua toe foi atu nei Kati ma ana leoleo i le nofoaga lea ua avea nei ma o latou nofoaga autu.

 

Na ona taunuu lava o Kati, savali sa’o loa i tua i le umukuka i le vaega e masani ona la feiloai ai ma le tamaitai e pulea le faleaiga e faatali mai ai le taunuu atu o ana tama faapitoa o lo o mulimuli atu. Ua oka e le tama la latou meaai mo le afiafi, ona faatonu lea o teine e momoli le meaai a ana tama e toalua i luga o le laulau pe a taunuu ae o lana meaai e momoli i le ofisa o le tamaitai pule lea o le a faatali mai ai. E lei umi ae ulufale le tamaitai pule o le faleaiga ona ia faafeiloa’i lea o Kati ma la aai fiafia ma le manatu o le alii, ua taunuu lana vaega i totonu o le faleaiga. E le’i umi ae tatagi loa le telefoni a Kati ma le vaai atu o le numera a le isi alii o lana vaega lea ua vili atu, ona tago lea o le tama ua tali le telefoni, peitai na faateia Kati ina ua hello atu ae faapea mai le tagata o lo o talanoa mai i le telefoni, “o lea ua matou mauaina au tama o lo o outou galulue i le ta lokaina o tagata o le matou vaega, afai e le tuuina mai le 10miliona i le itula e 12:00 i le aoauli a taeao, o le iuga o le oti........”

 

Na vaaia e le tamaitai pule o le faleaiga le le mautonu o Kati, ona ia fesili atu lea i ai, “Kati, e i ai se mea ua tupu,?” na punou le tama mo ni nai sekone ona ea atu lea i luga ma faapea atu, “O nai o’u uso o lo o matou galulue lea ua maua e le vaega faatupu faalavelave, o lea foi ua tuu mai la latou faamatalaga, afai e le tuuina atu le 10miliona i le itula e 12:00 taeao, o le a fasiotia i laua.” Na vaaia e le tamaitai le le mautonu o Kati i le taimi lea, ona ia fautuaina loa lea o le tama e faafesootai le Ofisa o Leoleo mo se fesoasoani ma faailoa i ai le tulaga ua oo i ai ana tama ia sa latou galulue faatasi. Na foi faanoanoa Kati i le fale talimalo lea o lo o nofo ai ma le faanoanoa o lona loto, ona o lona alofa i ana tama e toalua ia ua maua e le vaega faatupu faalavelave, ae o le a faapefea ona toe faasao mai i