Ads by Google Ads by Google

FAGOGO: I LE MA'A TAUA UA LE ILOA

Sa fai le vasega a le alii Polofesa o Eteuati i le isi aso, a'e te'i i le tatagi o lana telefoni ua maua mai ai lana 'text' mai lana uo, o le Polofesa o Ma'aleu i Uasigitone, fai mai 'e alu atu i Uosigitone i le Semina o le a faia ai la te fetaui ai. Uma le vasega a Eteuati ona toe taumafai lea e faafesootai le telefoni na vili atu ia te ia, ae tali mai e le tamaitai ma fai mai, ua manaomia o ia e Maaleu e alu atu e fai sana tautalaga i le mataupu e faatatau i le ‘freemason’ mo tagata e fiafia e galulue i maa taua.

 

O le 'freemason' na amata mai i Greek i le tausaga e 300 BC e le tagata e igoa ia Euclid Alexandra, o le tagata e lelei tele i le numera, na oo mai lea i le tausaga 1506 i Peretania i le tagata e suafa ia John Hylmer ma William Vertue ona la amataina loa o le 'freemason' i le Kolisi o Roiall i le 'Lady ma le Saint George i totonu o le olo o le Wyndsore.

 

Na oo mai i Amerika ma amata ai loa ona nofoia lauelele o le 'New World' poo Amerika, ma fai ai loa latou 'Colonies' poo kolone, ma aumai ai le poto lea i le tausaga e 1730. E seasea lava fiafia i ai tagata e leai ni agava'a i lea ituaiga galuega, aua o le tele lava o latou galuega, e fai ma fausia i mea tau ma'a, ae o le alu foi i luga o galuega i taugata o latou galuega i le fausiaina o le galuega, le mea lena e taua ai tele lenei galuega.

 

Ae a fai foi se galuega a tagata atamamai i lenei ituaiga galuega e vaai foi le lelei o tagata lea e tuu i ai le galuega lenei i le numera, e tau o le 'geometry' ma e iloa fuafua lelei i faiga o le sima, e alu e lea mea ma lea mea. E le'i maua atu e Polofesa Eteuati i Polofesa Ma'aleu, fai mai lana failautusi o le e i ai lana fono ma alu i ai. "Na o le pau a le mea na mautinoa a taeao i le 12 i le aoauli e alu atu ai, ma vaai le Ofisa Vaalele lea American Airline ua uma ona totogi mai lana pasese, o le semina e amata i le 5 i le afiafi, i le totonu o le poto fai ai fono o le University George Washington."

 

"Lea o le faatali atu le taavale i le malae vaalele ae a taunuu mai i Uasigitone i le malae vaalele, ona vili mai lea o le numera lea e i totonu o lou telefoni, ona ta'u atu lea ia oe, le numera o le taavale." o le tala lea o le failautusi o Polofesa Ma'aleu. Na malamala lelei le aumaia o le feau ia Polofesa Eteuati, na sauni uma ana mea e ave i le semina lea. O le taimi lena na nofo ai i le potu o le faletalimalo le alii e igoa ia Mikaele, o se tama maualuga e tusa e 6' 4" lona sao, e ulupoo e sele mama lelei lona ulu, o le taimi lena na faatoa sau ai mai le paipa, ua alu tu lelei i luma o le faata tele lava, ma talatala i lalo lana solo taele, na tu telenoa ai i luma o le faata.

 

Na tilotilo solo i tino, e tino lelei aua e malosi tele e fai ana faamalosi tino ma e leai se mea e te iloa atu ai, o tau le manaia mai, e malo uma lona tino, e amata mai i ana lima, e malolo mai lava i luga o lona fatafata i oo i ona tamai vae. Ua savali atu ma toso mai lana tapulupulu 'rope' ma fai loa, ma savali atu i le pusa 'aisa ma aumai lana fagu vai 'aisa ma inu mai ma alu atu toso i tua ie faamala ae autilo i le Falepa'epa'e ma matamata i le fale o le konekeresi lau e tutu mai i le mamao atu lava ma le faletalimalo lea e i ai. Ma faapea ana mafaufauga, 'ua toe itiiti ta le 4 i le afiafi, ona faataunuuina loa lea o le mea lea e mana'o i ai.' toe tilo atu i le uati e le'i taitai lava lea faatoa e ta le 12 i le auoauli.