Fa’au’uga Lona 12 - Vasega Su’isu’i DYWA

E to’a 45 Sui ua taua’aoina latou tusi pasi e aloa’ia ai le latou taumafaiga ua ea ma ua lautogia mo lea fa’amauga o le tomai su’isu’i ua a’otauina ai. O le kosi pito i umi lea ua fa’atautaia e le Matagaluega o Talavou ma Tina o le atunu’u, ona o le fa’atalosaga a le tama’ita’i faia’oga, Johanna Samana, “e ao ina lava ma totoe le taimi e mautu atili ai le tomai su’isu’i ia i latou o tau’avea kosi aoga nei.”

 

O le umi na tau’avea ai le kosi suisui ua fa’au’u ai nei le to’atele lea, e ono masina ma ua atoa lelei le 200 itula na a’oa’oina ai lea vasega. E fa lelei vasega sa fa’atautaia ai le vasega lea, vasega o le taeao i le Aso Gafua ma le Aso Lulu, Vasega afiafi o ia lava aso, Vasega taeao Aso Lua ma Aso  Tofi, Vasega o le Afiafi o ia lava aso, ma le Vasega o le aso Faraile atoa.

 

I le sauniga sa taua’aoina aloaia ai tusi pasi nei, sa auai le Sui Fa’atonu Tapumanaia Galue Satele, o ia sa fai ma fofoga o le Polokalama fa’asolo o le aso, na auai fo’i le Fa’atonu o Polokalama fa’atautaia a le Matagaluega Pa’u Roy Ausage e avea ma fofoga fa’apitoa e lapata’ia le vasega fa’au’u ae maise le ali’i Failauga mo le tatalo amata ma fa’ai’u ai le polokalama Fa’asamoa Fanene.

 

Na i ai fo’i se avanoa taua sa tu’uina i le Faia’oga o le Kosi, Johanna Samana mo lana tautalaga taua i le vasega ma lona taua’aoina aloaia fo’i o lana vasega fa’au’u ua ia mautinoa atoatoa, ua agava’a mo latou tusi pasi ua taua’aoina. “O i latou nei, ua ou mautinoa i lona tomai fa’a-su’isu’i, ua agava’a i o latou tusi pasi ua mae’a taua’aoina, ia o atu ia ma fa’atino e pei ona a’otauina ai outou! Fa’aaoga a outou taleni e saili ai lo outou tamaoaiga.”

 

O i latou nei ua aofia i lea to’a 45 ua mae’a fa’au’uina: Anamaria Taliauli, Ana Lisala, Ane M. Fakaua, Epifania M. Laulu, Fa’apopo Motuga, Fia Faitalaoali’i,  Fa’asamoa Fanene, Faletolu Sao, Falaimo Ah Loo, I’asa Luau, Joyce Nunu Nelson, Kilisitina Lolomatauama, Koneselata Falemai, Lusia Faifaimalie, Leva’ai Nu’ufou, Landy Mataiao, Lina Maosi Tamapua, Monica Halefihi, Malia Tafaoata Faialaga, Miriama Falefata, Matelima Sekone, Marina Taiai, Matavai Siaosi, Nia Mafoa, Onesia Mai Ofatai, Paula Vaesau, Peata Faletoi, Ruby Bohanak, Salina Tatupu, Si’ipo Anetone, Sofi Young, Selina Tapuala, Sose Siaosi, Soloa Suaesi, Sesilia Kuka, Tafaoga Tevaga, Taumaoe Tafea, Taulima Leapai, Talo Ioapo, Taliilagi Meleisea, Tenisi Tui, Tunatunaolevao Tafeamali’i, Theresa Mosese, Uputasi Tualamali’i ma Uiese Lemoe.

 

O le sauniga lea sa faia i le faletele i le Malae o Suigaula a le Atuvasa i Utulei, ma ua tu’uina atu i latou e o ma tausaili atili i o latou taleni ua mae’a a’otauina ai i latou, ae ua fa’ailoa atu fo’i ia i latou, “Afai e fia fa’atuina sau pisinisi suisui, toe aga’i mai mo se fesoasoani atu a le Matagaluega i se ala e fa’afaigofie ai lea tulaga mo outou!” I le to’a 45 o le au fa’au’u, e to’alua lava ali’i i lea vasega, ae to’a 43 lava tama’ita’i.

Comment Here