Ads by Google Ads by Google

Fa’atiga i Lagona o le QB a le Redskins?

Ua fa’ailoa mai e le Associated Press  le ali’i sa avea ma tagata ta’alo pasiketipolo a Baylor Richard Khamir Hurd, 25 ona tausaga, ua taofia i le aso Gafua ina ia faia ni ona su’esu’ega ona ua ia fa’ailoa mai o le a na fa’alauiloa ni fa’amaumauga taua tau le ‘malosi’aga fa’aletupe’ o le ali’i QB a Redskins o Robert Griffin lll.

Ua fa’ailoa mai na faia lea su’esu’ega o le tama ta’alo pasiketipolo lea i le Fa’amasinoga a le Feterale i Waco, ma sa fa’atulaga le tupe e tatalaina ai o ia i tua i le $25,000. Ua fa’ailoa mai o le ali’i o Griffin na numera 2 i le filiga o tama ta’a’alo a le Washington Redskins, peita’i o lenei mea leaga ua tau fai atu i ai e le ali’i o Hurd, e mafai ona fa’afalepuipuia ai Hurd pe afai ae fa’amaonia lona taumafai e fa’aleaga ma fa’atiga ia Griffin i lona fa’alauiloa fa’alaua’itele lea o lona malosi’aga fa’aletupe e totogia ai ana pili.

Ua le maua lava se avanoa o Griffin ina ia mafai ona fesiligia e ali’i tusitala o le AP e tusa o lea mea, peita’i sa maua se avanoa o le tina o le ali’i o Richard Hurd, ma sa na’o na fa’ailoa mai e le tina. “Ua ou maua tala sa loka la’u tama, ae o lea ou te le mautinoa pe moni, ma e le’i fa’ailoa maia fo’i ia te a’u, pe aisea.”

O le fa’amatalaga mai o le mea na tupu i le vaiaso na te’a, ua fa’ailoa mai ai le ali’i o Hurd ua ia feso’ota’i ma se tasi o le Agency i St Louis lea sa latou pikia Griffin ma fa’ailoa ia i latou ia fa’amaumauga a le latou QB, o le a ia fa’asalalauina fa’alaua’itele pe afai o le a latou le totogia atu se vaega tupe tele ia te ia.

O le mea na fa’ao’o atu ua tusia ai le igoa B.D lea e fa’apu’upu’u ai le igoa o le Agency o Ben Dogra, ae ua le fa’ailoa atu fo’i le igoa o Griffin i se vaega lava o lenei tusi na fa’ao’o atu i le Agency. E o’o mai lava i le aso Gafua e le’i faia se tali a le BD i lea fanoga sa fa’ao’o ane e Hurd.

Ua fa’ailoa mai sa fetaui Hurd ma se tasi o sui na fa’apea e fa’afeso’ota’ia lenei mana’oga tele, ina ua mae’a ona sainia o pepa e le mafai ai ona fa’ailoa e lea sui le ua ‘auina atu o ia, na fa’ao’o ane loa pepa ia te ia e kiliva, ae tu’u atu ia te ia lona totogi. Na saisaitia mai lava e le vaega o leoleo nana a le FBI Hurd a’o faia lana lea galuega. O lo ua le maua mai lava se tala mai le loia a le ali’i o Hurd.

O se tagi tautala a si tina ina ua fesiligia pe ua ia iloa le mea ua tupu i lana tama, ae sa ia fa’apea mai, “Ou te tatalo pea, po’o le a lava se mea ua a’afia ai si a’u tama, talosia ae le moni nei tu’ua’iga.”

Ua fa’ailoa mai, o le ali’i o Griffin, o se tasi lea ua ia mafaia ona toe fa’ao’o le Bears i le latou 10 manumalo i le vaitau o ta’aloga ua fa’ato’a fa’alua ai lea ona tupu lea mea i le 112 tausaga o faia mai le ta’aloga football.

E 54 matati’a fo’i ua mae’a soloia pe tutusa ai fo’i le latou ‘au ma fa’amaumauga o tausaga ua te’a i totonu lava o le latou a’oga. O le a fa’asalalauina atu se tulaga e ono o’o i ai lea fa’amasinoga pe afai ae amatalia loa.

saunia: Leua Aiono Frost