Ads by Google Ads by Google

Fa’ata’ita’i ia Fiti?

Lele ua toe maua e Fiti le tulaga muamua i le Lakapi Ta’ito’afitu, ma ua avea fo’i ma ‘au lakapi e pei o se ‘fili o tama’ o le lalolagi aua e faigata ona to’ele i lea fo’i fa’agatama. Peita’i, e sili atu ona manaia le isi mea lea ua fa’atula’i mai e Fiti i le Pasefika atoa!

Se fai mai ua taga’i atu le Palemia o Fiti, lele ua matua to’atele aiga pagatia e ta’ito’atasi tagata faigaluega, ae o pili o le Suavai ma le Eletise, ua tafana a’e i luga, aua e pasene fo’i le pili e le’i totogia, pe tuai ona totogi. Ua le gata la i le le fiafia o latou tagata i le faigamalo, ae ua fiu fo’i e saili mai finagalo o tagata lautele i so latou lagona e fa’atautaia aga’i i ai se latou faigamalo faifa’atasi ma Initia ma Saina o latou o nonofo ma ola fa’atasi i le latou malo, ua leai lava se fa’aulu atu e tagata lautele o latou lagona!

Musuia loa le ta’ita’i o lo’o tula’i e saili malo, fai se faiga e toe fa’afo’i mai ai le Lotonu’u i ona tagata nu’u! Oka oso lava faitau $14miliona le aofaiga o pili suavai ma le eletise ua soloia mo tagata uma lava ua matauina, e matua faigata ona ola ma latou pili tuai o tau totogia.

Na faia loa lea tulaga, ua toe lealea le tagavai a Fiti i o latou agaga, ma ua toe mafuli ane e saili so latou lumana’i fa’atasi i le latou faigamalo i le atuvasa! O se fa’amalo e ao ina faia mo Fiti, ae a la tatou?

Atonu ua tatau ona mu mai le loto o le ASPA! Ua loa ona faia le tatou Lotoa o Panele mo le Enetia mai le La, ae aisea lava ua le pa’u ai loa le tau o le Eletise, se’i iloa e le USTEO, ua aoga se mea sa fa’atino mai i a latou vaega tupe ina ia toe maua mai ai atili lena ituaiga o fesoasoani lelei ma le aoga sa’o lava i o tatou tagata lautele uma lava?

Afai e le o mafai ona aumai i le atufalega o aiga ta’itasi o le atunu’u, ua sili loa ona e va’ai i le Malo o Amerika Samoa ma lana pili Uila lea e avea ma a’u’upega i finauga! Fa’alala so’o mai lena pili matua tele a le Malo, ae va’ai toto’a i le tele o mea ua saunia e le Malo mo oe ASPA e te se’e filemu ai, ma e toe taga’i ane soloia lena pili.

O le ASPA lea e avea nei ma Kamupani e pei lava o le Pacific Energy i Gataivai, ae  ua offset le Corporate Tax e ao ina totogia i le Malo, aua o le vaega lava o le Malo lea ua latou aumaia le suau’u fa’atasi ma le Pacific Energy, ma toe tufatufa atu i nisi o pamukesi ma faleoloa i oloa tau suau’u, o lo ua  i latou ma Kamupani Suau’u, e suia le Mobil Oil i totonu tauofoga lea sa fa’atulaga ai e lua kamupani suau’u e fa’afoea lea Konekarate i le tatou atunu’u!

O le masina lenei e fa’ailo uma ai se aoga o galuega na fa’atino e le ASTEO i le USTEO, ma e tatau lava ona atagia ni mea lelei e ala i le fa’aitiitia loa o pili uila ma le suavai i ni nai sene, ae le o le tasi’i e pei ona i ai pea lava ia Oketopa 2012.