Ads by Google Ads by Google

Fa’amanatu 50 Tausaga Tuto’atasi o Samoa

O le aso Sa i le vaiaso na te’a nei i Samoa na fa'amanatuina ai le atoaga o le 50 tausaga talu ona Tuto'atasi le Malo o Samoa, ae o le aso To'anai na i Amerika Samoa, aua ua me'i mai Samoa i le aso e tasi i luma ai o lo'o le mea na sau ai, e aso fa'atasi ma tatou i i'inei.

Sa faia i le Maota Fono a Samoa, sa auai uma ali'i Faipule o le Fono a Samoa, ma to'atele o isi malo vala'aulia ia na o mai i le fa'amanatuina e pei o Niu Sila, Ausetalia ma isi atunu'u o le Pasefika ma sa ta'ita'iina e le Akiepikopo (Archbishop) Alapati Lui Mataeliga o le Ekalesia Roma po'o le Lotu Pope, ma le Father Peniamina Tapelu, ma Rev. Nu'uausala Siaosi ia ma le Susuga i le Fesoasoani Tiakono o Kasiano Leaupepe.

Sa auai fo'i le Afioga Tui Atua Tamasese Efi ma le Masiofo, na auai le Fa'amasino Sili o Patu Falefatu Sapolu, le Fofoga o le Fono, Sealiitumalietoa Polotaivai i luma o le mea sa latou afi

fio mai i ai, e alo e fa'asasaga mai i le Maota i le mea e afifio atu ai ma alaala atu sui Faipule ma ali'i Minisita  lalo i le loto-i-fale, fa'atasi ai ma le Ali'i Palemia, lea e pito i luma i le itu tauagavale i le paega o latou nofoaga.

A'o luga mai e Susu atu ai le Aufaigaluega o le Atua, soso'o mai ai isi tagata valaulia ona soso'o mai lea ma le Aufaipese i Susuga I Malu o le Malo.

O le isi itu o le Maota, na pito i luma le mamalu o malo na o auai mai mo le Fa'amanatuina o le 50 tausaga o le Tuto'atasi o Samoa, ae pito mai ai lea i latalata i luma i le faitoto'a o i'ina na tutu atu ai le au-vaega e fai TV ma Nusipepa, ma le 'au faigaluega uma o le Maota Fono a Samoa.

Lea na saunoa ai le ali'i Palemia, "O le mafuaaga na ave i Iuni le fa'amanatuina o le Fu'a a Samoa, aua o le va'ai atu vaitaimi timuga lea i le atu Samoa, se'i o'o mai lava e tausaga nei. A'o le taimi tonu lava na filifilia ai le Malo o Samoa o le a Tutoatasi, o le Aso Muamua lava o le tausaga e 1962, ae ona o le leaga o aso na toe ave ai ia Iuni, a'o le aso muamua o le tausaga amata mai 1962, se'i o'o mai i le taimi nei, e fa'amanatu i le aso muamua o Ianuari, ae fai fa'afiafiaga i le masina o Iuni i tausaga ta'itasi."

Lea ua atoa lelei lava le 50 tausaga, ua atoa ai fo'i le lima o Palemia talu ona fai ina le Malo o Samoa, oi latou ia na ta’ita’iina le Malo, Fiame Mata’afa Faumuina, Tupuola Efi (Tui Atua), Va'ai Kolone, Tofilau Eti Alesana ma Tuilaepa Sailele Maleilegaoi.

Ma o le po o le Aso Faraile na sui ai aso o le tausaga, i le leai o se aso To'anai ae 'oso i le aso Sa.

Sa lelei lava le suiga o le tausaga atoa ai ma le fa'aatoaina o le lima sefulu tausaga o Tuta'itasi Samoa, e le'i i ai lava se mea na nenefu pe faigata i le suiga o le aso o Samoa atoa ai fo'i ma le 50 tausaga o le Tuato'atasi.