O AI LONA TAMA?

O loa e aai le ulugalii ua ta'i 85 o la tausaga ae ua atoa le 60 tausaga talu ona nonofo, saofafai loa i totonu o le faleaiga, fai atu loa le toeaina o Velio i le isi loomatua o Salai, "E i ai le mea au leva tele ou nofo ma 'au i nei mau tausaga e fia, talu lava ona fanau mai le ta tama numera 10, ou te masalosalo lava e le o so’u atalii, e 'ese mai lava ia nai lo le toatele o le ta fanau. O lea ua manaomia lou tautala sa'o mai ia te 'au i le taimi nei, o ai le tama o le ta tama lona10?."

Sa na o le punou lava o le loomatua i lalo e leai ma se tala, sa toe fesili atu i ai le toeaina, "A oute iloa lava lelei lava e 'ese lana tama, lea faatoa ou fesili atu ia te oe . O ai lana tama?."

Na ona 'ea mai a o le loomatua fai atu loa i le toeaina, "Oi ua galo foi ia te oe  le tama o lou uso lea na aumaia ta te faia, sole o le mea lea ou te ofo ai ia oe, ua leaga lou ulu a Tomasi?."

Fai mai ma le toeaina, "Sole ua galo ia te 'au, e faapea 'au ia o sou tama moni lava, ia 'I'm sorry ua galo ia te 'au." ae alu loa le loomatua i le faletaele, pa ma le ata, fai mai loa, "Mea e lelei ai e le'o manatua e le toeaina se mea."

E LE AFAINA O LE A OU TE AUINA

Sa nonofo le ulugali'i ua matutua foi, ua 80 tausaga a le toeaina, ae faatoa 65 tausaga a le fafine, alu atu le fafine i tua o le umukuka e faa-toast ia la falaoa, susu'e tau le oveni au leai se kesi. Alu atu i le paipa e taele au alu lena foi le vai, ma sau mai i le toeaina ma fai atu loa, "Sole Kukama, ua leaga uma mea na ou alu e fai ai le ta mea 'ai, au leaga le 'toaster' ou alu atu i le oveni au leai se kesi ou alu atu foi e taele au alu lemu foi le vai. Ou le iloa poo le a le mea a fai ?."

Ae fai mai le toeaina, "A o  le mea sili lava lea oute i ai pea i iinei…." ae 'oso mai le loomatua ma fai mai, "Ia ua leva ona le leai se aoga, e ta'u soo mai lena mea ? o le mea lena ua leva ona leagaaaaaa…..!!!!!."