Ads by Google Ads by Google

Ete fia Poka?

FA’APEA LAVA FAFINE E LE MANATUA E TAMALOLO ASO FAAPENEI

E ala a'e le loomatua o Eva e le o i ai Atamu i luga o le la moega, ua masau i lalo o le fogafale muamua ae te'i i le savali atu o lo o nofo mai le toeaina i le laulau 'ai ma inu lana kofe.

Ua maligi loimata o le toeaina sa 'oso atu le olomatua, "Baby o le a le mea ua e faanoanoa ai?." ae fai mai le toeaina, "E leai, o lea ou te mafaufau lava i le 20 tausaga talu ai." sa tali mai le loomatua, "Ioe."

Sa toe fai atu loa le toeaina, "Lea na maua atu ai taua e lou tama i tua o le nofoa na e i tua o le taavale, a’o le taimi lea faato'a atoa lou 15 tausaga."

Ia ua mafaufau atu le loomatua, ia o le taimi lena ua faaleo pusi ai si teineiti, "E leai lava se mea ou te te le o manatuaina."

Fai atu le tamaloa o Atamu, "O e manatuaina le alu atu ma le fana e tu'u atu i lou muaulu, ma fai mai e lua lava mea ou te filifili i ai, (1) o le malepe o lou ulu i le fana, (2) poo le ta o loa e vaai faamasino e fai o ta  pepa faaipoipo ?."

Sa tali atu si loomatua, "E leai lava se mea o galo ia a'u." fai mai loa le toeaina o Atamu, "O le aso lenei e atoa ai le 20 tausaga…faapenei ua ou toe sau i tua."

Ina 'oso foi le fe'afe'a a le loomatua i luga, "O i lona uiga o lau tala o nei mau aso na ta nonofo ai, o lou fefe lava i le alu i le falepuipui ae e te le fia nofo lava ia te a'u ?."

"Ae mea o lou moe le mafaufau, e fai o lou moe taagalu, ao lou moe tafiti…ia aemaise o lou moe lena pei lava oe o se tagata UA LEAI SOU FAAMOEMOE…!!!."

E LEAGA AU LAUGA E MOMOE AI TAGATA

Ua feoti nei le ave taxi ma le faifeau i le aso e tasi, o atu loa i le toeaina o Peteru o la e tutu mai i luma o le faitotoa e alu i totonu o le Ola Faavavau.

Fai mai loa le toeaina o Peteru, "Ia talofa, ua fia sina leva o o'o faatali atu ia oulua, lea ua toeititi o'u manava ao lena faatoa lua o mai." ia atu loa i le ave taxi, "Ia o ou galuega na fai i lalo i lalolagi o lena ua tuu atu ai o lou fale e faatatau i galuega a le tagata ia. O le faitotoa lava e ofi ai le ki, o lou fale lena."

Le'i leva a ona o ae toe masau mai le toeaina faifeau ia Peteru, "Oute masalo ai e sese ma ki na aumai…se'i e taga'i lava i le fale o le nofo ai le ave taxi lena ua matua tele lava, ae se'i vaai i se tamai fale ua tuu mai oute nofo ai. Masalo ai e sese oe toeaina….!!!!!!!."

Fai atu loa le toeaina Peteru, "Vaai la i ai i lou fia poto, e leai sou pule na fai i lua ki na ave atu nei, o le mea lava na aumai ai i le toeaina o lena e alu ai lava." fai mai le toeaina o faifeau, "Ae te'i lava ou nofo i la la tamai fale ae nofo le ave taxi i le fale tele ?."

Fai atu loa Peteru, "Ua e vaai la e ai, o aso Sa uma e atu tagata i le lotu ae uma ifo lau lauga ua momoe, ae o tagata e o loa i le taxi a lou tama lea, e feala lelei e le popole nei te'i ua lavea e le saosaoa."