Ete fia POKA?
E I AI LOU PAOA OUTE FAAALIA AI LE 'BADGE'
Na sau i le taulaga le tasi tagata e faigaluega i le DEA, e talanoa i le tamaloa e fai lana pa povi. Tago se'i mai lana pine, ma fai atu loa i le tamaloa fai pa povi: O 'au e sau mai i le vaega lea o DEA”. Faaali loa i ai ma lana pine 'badge', "na ou sau e su'e lau pa povi oute masalosalo a o loo toto ai marijuana."
Fai atu le tamaloa fai pa povi, "Ia e sili ona e gata mai i i le ou su'esu'ega, aua e te alu atu e tua atu o le matietie la e o."
Ae faalii le tama o le DEA, "Vaai i lou pine lea, e pule lava 'au poo fea oute alu i ai, a ou oo mai loa i totonu o le pa povi e pule lava 'au, e leai sau feau e te faatonuina mai fua 'au ma la’u galuega…ua e iloa ?"
Alu loa le tamaloa fai pa povi, vaai ana uaea ma toso, ae alu le tama o le DEA e su'e laau e faasaina. E le'i atoa se 15 minute, ae vaaia loa ua sau i le atoa le DEA.
Ua tamo'e mai i le atoa ae tuli mai e le povi po'a tele. Valaau atu loa le fai pa povi, "Faaali i ai lou pine atonu e usita'i ai le pulu ia oe…ha…ha…ha…. le mea tonu lena na ou tau fai atu ai ia oeeeee….ha…ha…ha…"
VAAI I LE MEA E ALU I AI
Na taele Vao i le vai i Tufulele, ae sau le pasi mai Falelatai, tu tonu lava i luma o le vai, ae taele lava si tama.
E uma ona tofu le ulu o Vao, ma ea i luga, o le la ua taufai autilo uma atu le pasese ia te ia.
Valaau mai Vao i le pasese, "Kouke o i Apia…..?" Tau fai lue atu uma ulu o le pasese ia Vao, toe valaau mai loa Vao, "Ia ke ke ia Apia kou mata, ae aua le ke ke mai fua ia ke 'au e le'o 'au o se Apia….maguia le aso."
Fai mai le komumu a Vao, "ke ke mai fua fela a le ke ke i Apia."