O LE SUEGA A LE TAMAITIITI

Talatalanoa le ulugalii i le isi po i se fuafuaga e fai i le la tama, ona la manatu lea, o le a fetagofi e tuu ni mea se tolu i luga o le laulau, o le $10, o le Tusi Paiaa ma le Fagu Malosi, ona vaai lea po o fea o mea ia e tolu e muamua tago i ai le tamaititi. Finau le ulugalii i le mea e muamua nei tago i ai le tama. Fai atu le toeaina o Vao i lona to’alua, “Afai e tago le tama i le $10 lona uiga e fai pisinisi pe a matua, ae a tago muamua i le Tusi Paia lona uiga e Faifeau, ae afai fo’i e tago muamua i le Fagu Malosi, lona uiga e inupia le olaga”.

Na ona tuua mai lava o le aoga a le tamaititi o Tavita, tatala le faitoto’a o le fale ma tau atu loa la na vaai i mea e tolu o lo o i luga o le laulau, savali atu loa aumai le $10 ua tuu i le taga o lona ofu, aapa atu i le Tusi Paia ua aumai ma tuu i totonu o lana ato aoga, ona aapa atu loa lea i le ipu ua ligi mai ai lana ipu whiskey ma inu loa.

Na ona o mai lava i fafo o le ulugalii mai le closet sa lalafi ai, fesili atu loa ma le olomatua i le toeaina, “O le a sau vaai i le mea lea ua faia e le tama”, ae tali le toeaina, “Oi, ou te lei tau atu fo’i le upu polokiki, a ea?”, ae na toe fesili le fafine, “O le a lena mea o le polokiki,”, ae tali le toeaina, “O le ave uma ..!!!

O LE TIPOLO

E i ai le isi pa pia lena i Hawaii, o le tagata lea e bartender ai, o se tagata e malosi, e iloa i le tetele ona maso toe maualuga, e i ai la i totonu o le pa le lu'i lea e tu ai, 'O le isi itu o le tipolo, a uma ona tatau e le barteneder le tipolo, ona e tago lea e toe tatau…e te malo i le $1,000.00. A leai se sua e sau ai, ona e tago lea e totogi le $1,000.00 i le bartender.'

Ua fiu tagata malolosi e le maua se sua o le tipolo, ua fiu fo'i tagata e si'isi'i, ma le 'au koleni e faamalosi tino, uma le 'au teuteu tino, ua paso lava e le mafai.

A'o la e alu lava le talie a tagata o lo o inu i totonu o le pa, ae savali atu loa le isi fai mata tioata lena, ofu lelei ma fai atu loa i le barteneder e fia faataitai, e autilo mai le bartender, o le tagata lea e alu atu e pu'upu'u.

Fai atu loa le bartender, "O i, e totogi muamua lau $500.00 ona fai ai lea o le taaloga." totogi loa le $500.00 a le fai mata tioata lea.

Tago loa le bartender ua ave ifo le isi itu o le tipolo tatau i totonu o le ipu, tago lulu ma ua mautinoa ua leai se mea e toe sau, ia fai loa i le tamaloa lea e tago e tatau pe mafai.

Ia tago loa le mata fa lea, ua ave ifo i luga tatau loa, na ofo uma tagata i le vaai atu ua sisina mai sua na e ono i le tipolo, uma loa fai atu loa le tamaloa, e aumai lau $500 ma toe aumai ai ma le $1,000.00.

Uma loa fai atu le bartender, "Faamolemole o ai oe, o le a lau galuega o fai nei." ae 'ata'ata le fai mata tioata lea, fai mai loa, "O a’u ou te faigaluega i le IRS."