MISIONA NA ALU I PAPUA

Sa o tamaloloa Tonga, Fiti ma le Samoa i le misiona na alu i Papua, na o e toe tala'i atili atu i tagata Papua ia fa'amaopopo ai lo latou fa'atuatua ma ia iloa le Tala Lelei.

Te'i ua o atu i le isi nu'u lena, na alu le tuli a tagata Papua ina ua latalata i le nu'u, na pau lava le tala a tagata na latou o, "O le nu'u leaga tele lena pitonu'u, e fe’ai o latou tagata."

Ia ua toe o uma nai tagata Papua ia na latou o atu i le fefe i le nu'u lea, ae malo vale lava le 'au pasefika ia.

Ua o atu o la e nonofo mai uma le nu'u, e nonofo mai i itu e lua ae nofo mai i le ogatotonu la latou tupu.

Fesili mai le tupu, "Sole ua oukou ‘iloaga e sa le fagua nei ? e le koe mafai ona alu se kagaka pe'a sau i kokogu o le gu'u legei."

Na toe fai mai le tupu i le ‘au ali'i nei, "Ia e pule le kagaka e laga mea e fai e kava ai lou kua, ae o le a sasa gei kou kua. O le kagaka lava e oki mai, o le kagaka o lea e fai ai la makou mea’ai gei…o oukou fa'alogo mai ?".

Ia na muamua le Fiti i taimi o le sasa ai i le se'i (whip rope) i ai ona tala i le si'usi'u o le sasa, va'ai atu le Samoa o le ma'ai o le sasa, fai atu loa i le Fiti, "Sole fai sou ‘ofu ma tu'u i ai se 2 i le 4 i lou tua."

Ae leai, na ona tatala o le ‘ofu tino o le Fiti, "Ia sasa a'u…ou te oti lava i le fingalo o lo'u Ali'i."

E valu ta i le patua o le Fiti, ae pa’u i lalo ua oti, fa'apena fo'i le tamaloa Tonga, tatala fo'i lona ‘ofu tino ma fai atu, "Sasa a'u o lo'u tino lena e avatu ma outou a ou ola ia sao i le lagi."

Ia o le mea lava e tasi e valu ta o le Papua ae va'ai atu ua ta'atitia i lalo ua oti.

O'o mai loa i le Samoa, fai atu loa le tupu, "Ou ke iloa e fa'apega fo'i oe..? aua o oukou o kagaka kelisiago ?'.

Ae fai atu le Samoa, "A'a e leai se mea fa'apena, manatua lea na ia fai mai e tasi lava le ala e mafai ai e le tagata ona fa'asao mai lona tino i le fa'asalaga…a ea ?". "Ioe e pule lava le kagata ia."

"SE'I SI'I MAI LAVA LE FITI MA LE TONGA NA E TU'U I O'U TUA….FA'AMOLEMOLE."

E TE ILOA MOLI TAOFI LE LA

E taofi atu lava e le isi Leoleo le tamaloa i le tu o lana ta'avale i le Stop sign, ona alu loa lea o le Leoleo fai atu i ai, "Se'i e susu mai i fafo fa'amolemole…."

Fai atu la'u tama lea i le Leoleo, "Ia o le a la'u agasala i lau Susuga i le Malu o le Malo."

Tali atu loa le Leoleo, "Va'ai oe, e le i tu lau ta'avale i le STOP SIGN…toe EXPIRED le laisane o lau ta'avale."

Fai mai loa le ‘ave ta'avale o le faia’oga a le Leoleo i le High School, "O lena ua lelei lava lau English a ali'i JR, toe pau a le mea o lau tu ena e tau iloa atu le tu fa'a-mala."

"E te iloa la pe’a o'o ina ita le mala…..a ali'i Joe..?.." tete'i le Falepuipui ua avatu i lena aso se pagota e loka, i toe itula expire lona laisene,

Fai mai mafaufauga a le Leoleo, 'LE MEA OU KE IKA KELE AI…FAI FAI AGA MEA TOE KAUKALA."