E faigaluega fa'atasi le au vaega lena i le kamupani va'alele, o le 'au-vaega lena i le saluina mai o totonu o va'alele pe'a taunu'u mai se malaga, ona o atu loa lea o tamaloloa ia, ma fai le latou galuega. Ia o'o i le taimi malolo, po'o o le ta fo'i o le 12:00.

Ia ua o ifo ma aumai a laua lunch-box, ma tatala, ma le va'ai atu i totonu, o le mea-ai lava lea na aumai i le isi tausaga lea lava ua o'o mai nei, o le mea ai lava e tasi. O'o mai i le mafaufau o le toeaina o Setu, 'a'a e sili ai pe pule i lona ola, ua le lava ai o nei mea ai.' ia ua 'oso mai i luga o le mea la na nonofo mai ai, 'BOOOM !!!!' oti si tamaloa o Setu.

Fa'apena fo'i si tamaloa o Reupena, ua le lava ai nei mea ai, e 'ai lava i aso uma, ua atoa nei lima tausaga o lana mea-ai lava lenei i aso uma, 'BOOOOM !!!!!..' ia ua oti fo'i Reupena, ia fa'apena fo'i i le isi tamaloa o le to'atolu lea, na 'oso mai fo'i ia i le mea mauluga ma oti ai fo'i ia, le tamaloa o Tasi.

Uma ona tanu i le fanau tanu o le malo, ma toe fo'i i le fale o le fafine o le toalua o Setu, ua o atu tagata ma fa'amafanafana atu ia te'i latou uma nei e to'atolu, "Onosa'i, fa'atuatua i le Ali'i..." ia ma fai le to'alua o Reupena, "Sole..mea lea e leaga ai le le tautala mai, 'ana ou iloaina ua leva ona sui le mea-ai, fa'apea lava au ia ai o fiafia i lana mea ai.."

Ia ae 'oso mai le to'alua a Tasi, "O LEA MEA GEI E KAU MAFAUFAU LAVA I LE MEA UA OKI AI LO'U KO'ALUA....AUA O IA LAVA NA KE FAIA AGA MEA-AI I ASO UMA LAVA...."

TALIA O TA'UA TALOSAGA..!!!

Na i ai se fale-oloa lena na fa'atau ai manu, na i ai fo'i ni koke se lua ua atoa le lima o tausaga o nonofo lava i totonu o le pa, e le fia fa'atauina e se isi, o koke o po'a uma, na o le pau le mea e fai e nei koke, o le lauina lea o le 'Rosalio'. Te'i ua o'o i le tasi aso ua alu se fafine e fa'atau atu ana koke fafine i le tamaloa fa'atau manu lenei i le malosi o le fa'alogogata, toe tautalaiti, e le iloga se tagata e alu atu i totonu o le faleoloa a le fafine lenei, e le lauina e koke nei i ni pona i ai.

E ave atu la i totonu o le pa lenei, o le taimi tonu lava lena o lo'o lauina le 'Rosalio' e koke po'a nei e to'alua, na ona tepa ane lava o le isi po'a ua avatu i totonu koke fafine nei, fai mai ma le tala a le koke lenei, "IA TU'U LOA I LALO NA 'ROSALIO'.....E UI LAVA INA UMI....A'O LENEI UA TALIA MAI O TA'UA TALOSAGA......MALO LAVA A ALI'I 'MASTA'...!!!!