Ads by Google Ads by Google

E te fia Poka?

UA TA'APE LAU NUMERA.

Ua alu le tausaga atoa talu ona maliu si olomatua o Elisapeta, ae te'i lava si tama o Loma ina ua tau atu i totonu o le telefoni o lea e i ai lava pea le numera o lona tina.

Manatu lava le tama o Loma ai o le telefoni a lona tina ua leva ona pe le ma'a, po 'o fea le mea o i ai.

Sa so'ona ta vili pea ma le manatu lava e le tali mai, ae ua te'i i le vili atu ae tali mai, "Hello…" a lea e tali mai le leo o le tagata.

'Hello…hello….Loma o le a le mea e te vili mai ai ?"

Ua tago ua tu'u i lalo le telefoni ua tu i luga ma oso 'ese mai i lona nofoa, ma tau mafaufau i le mea lea ua tupu, ua te'i i le tali mai o lona tina ae ua atoa le tausaga talu ona maliu.

Ua te'i lava i le tatagi o le telefoni, e le talia, toe tatagi ae sa na o le tutu lava e le tago i ai.

Toe tatagi, tatagi, te'i loa i le tago atu i ai, "Hello…o ai lea, ua leva ona maliu lo'u tina…o ai oe ?"

Ua te'i lava i le fai mai o lona to'alua, "E KE FA'AVAVEVALEA EA…KAKALA MAI LE FAIKOKO'A ….OI O LE A LE MEA UA LOKA AI A'U I KOKOGU O LE FALEKA’ELE….!!!.

UA FAI IFO

Ua o le isi 'au vaega lena e fagogota, na alu atu le va'a ma fa'alepa i lalo ifo o le ‘auala laupapa lena. Va’ai atu i luga o le ala laupapa ua o'o ane le solo o ta'avale i le maliu, na tu loa i luga Fa'avesi ma to ‘ese lona pulou ma tu sa'o i luga ma punou i lalo lona ulu.

A'o alu ane le solo a ta'avale se'i uma atu ona toe fai lea o le faiva o le tamaloa o Fa'avesi ma Malaeola.

Ua te'i lava i le fesili atu o Malaeola ia Fa'avesi, "Oi fa'apea lava a'u ia e te le fa'aaloalo fa'apena i se maliu ali'i….o anafea na e iloa ai fa'aaloalo ?."

Ae fai mai Fa'avesi, "O LE TINA O LO'U TO'ALUA LONA TOLU LE LA UA IFI….LEAGA LE OLOMATUA INA FAITATALA ….O LE GUTU LEA NA MAFUA AI ONA SUSUNU LA'U ATOPA'U E LE LANA TAMA."