E te fia POKA?

TOE O LE MASAGA, AE TOE 47 'AI

 

Ua avea foi nei mea o taaloga kirikiti ma mea ua sasao fa’a afi ai le gugutu a isi toeaiina sa nofonofo i le fale faatali pasi i Fagaalu, ao matamata i taaloga kirikiti sa fai ai i le malae.

 

Na amata lava i le faamatalga o le isi toeaina i le vaitaimi o lelei lana ta i aso ua mavae, fai ma, ua te'i lava i le tutu atu o matai fai upu a le latou nu'u ma le avea'i, ua manomia o ia e le nu'u mo le latou au kirikiti, ona ua lu'i atu e le isi pitonu'u le au a le latou nu'u e manana'o e fai se latou taaloga fai tupe i le To'ana'i.

 

O'u fai loa i lou toalua lona ono (6) sa maua lava i nei mea o kirikiti, "Faatali atu aua ne'i avea tama i uta i le maumaga se'i ou sau pe a uma kirikiti ona matou o lea i le vaiaso lea, leaga e tele tele le faatoaga nei te'i ua o atu sese i totonu o le faatoaga."

 

E lei uma mai le gugutu a le toeaina ae oso atu le gugutu a le isi toeaina fai mai, "Faapea foi le au a le matou nuu o le 'Seasea o le Tai', ua matou taalo ma le 'au a le isi pitonu'u, toe 20 'ai ae ma tata loa ma le isi alii, fai mai le matou faifeau ma toeaiiina uma o le nu'u, 'o le mea na ua tu'u atu ai le masaga ia te oulou, o ou mama na.

 

Savali loa i luga o le malae, tata loa, ia toe 10 loa 'ai, ae te'a mai loa le sumu lena, ana misi e sa'o lelei lava le te'a, ona tago loa ta, ia ua alu i luga le polo, fai lava upu a toeaiina o nu'u toe fai le osiga a toilalo, faamavae ia 'au uma e lua o le a taape, ae patatu loa ma le polo i luga o le malae, e sau le polo ua matua aisa uma lava."

 

E uma atu le gugutu ua teva isi toeaiina i le pasi na tu i luma o le fale faatali pasi, valaau atu loa ma Etuale, "Faakali la oe pe ou mauaiga oe i le makeki…aua gei ou vaai ia oe i le makeki….'ai uma lava ma oe ou mea na e ke mafaufau aiiiiiiii…alu e 'ai gi au ka_ ……!!!!!!"

 

Ataata Etuale i le fale faatali pasi, ae ua teva atu Vao i le pasi ma faalala mai i fafo le ulu ma le moko ia Etuale, fai mai le tala a Etuale, "O fea se mea fai mai e ono ona toalua sa maua i taaloga kirikiti, o le afu lava le, e fiu e faakali le polo e le'i sau lava a…..".

Comment Here