O LE OTI I TOTONU O LE AIGA

O le teine lau ulu 'ena'ena lea e failautusi a le pule, te'i a i le isi taeao ua vaai atu le pule, ua faanoanoa lava ma ua vaai atu ua ma 'ita'ita gofie lava, ona valaa'u lea e le pule e alu atu i totonu o lana ofisa.

Fesili le pule, "Aisea ua e ma'ita'ita faapena ai suga Veta ?." tali le teine, "Ua oti lo’u tina…." fai atu loa le pule, "E te fia malolo mo le lua vaiaso?."

Ae fai mai le teine, "E leai se'i ou nofo pea leaga o lea e pisi le Ofisa…." fai mai loa le pule, "Ua lelei, a i ai se isi mea ona e tau mai lea ia te a'u, ua e iloa ?."

Masina atoa, ua toe faalogo foi le pule, ua tagi masusu mai i fafo i lana laulau lana failautusi, "O le a le mea ua tagi ai suga Veta ?." sau ma le tali a le lau ulu 'ena'ena lea o Veta, "Na kolo mai lau uso masaga, fai mai ua oti lana tinaaaaaa!!!."

Ua tu le pule, ua tauau ina valea, 'Fai muamua o ona uso e la te masaga, o lona uiga la e tasi a lava le la tina, ae fai mai loa, ua oti lana tina, o lona uiga la e 'ese 'ese le masaga lea.' na ona faapea lava o le tala a le Pule, "Oi faapea a'u ua uma ona  maliu lou tina, ae o lena e te fai mai o lou uso masaga….o lona uiga la e sese lou tina lea na e faanoi mai ai ua oti, o fea ea le mea moni ?"

Ae fai mai le 'blondie' lea,"Leaga e na'o pau lena o teine o lenei aiga…soo se 'aunty' lava e faaigoa lava e maua o le ma tina, e oo i 'aunty in law' e ta'u foi e maua o tina…..!!!!!." fesili atu loa le pule, "Ae a a'u aua o a'u lau pule ?."

"O lou 'sponsor'…..lena ua e iloa le mea e alai ona ta'u oe o le 'sponsors' ? aua o lea e mapuni a lou gutu, aua o lea e masalosalo lava a lou toalua poo lo'u 'aunty' ia taua…e a la ?." a e vaai i le 'au tilo solo poo ai ua faalogo mai o le latou 'au faigaluega i tala nei a le teine lau 'ulu 'ena'ena."  E le lavea foi 'blonde' uma lava…pau a o le mea o le toaga lava e tapuni le gutu….i le ave i ai o soo se mea e manao i ai.

MATAMATA LAVA LE TV A LE FAFINE

Ao matamata le TV a le fafine o Dora i le 'ata o le Wolfman ae manava mai loa le tamaloa o Simi, e sau i le fale, ai o se mea na tupu ia te ia ma le pule i le latou galuega, e manava mai le tamaloa e le'i uma le ita. Na sau loa le tamaloa, fai atu loa Dora, "Ua e manava ?." ae 'oso ma 'e'e mai le tamaloa, "A ou koe sau loa i le galuega aua ge'i e koe fesili mai i le galuega, ua e iloa ?."

Fesili atu loa le fafine o Dora, "E a e faavevela mai lau mea'ai la e i totonu o le 'Microwave' ?." ae 'e'e mai le tamaloa, "Alu e makamaka lau aka, e ke le pule ma le kaimi ou ke 'ai ai, na o le keke lava o ou maka i le kiviiiiiii…..!!!!!!." tu i luga ma le tamaloa ato atu i 'o lea mea o le fale, ia ua kiki mai lea mea i le isi itu, ae vaai atu loa le fafine i fafo ua susulu mai le masina ua atoa, ua 'ata'ata foi le fafine ma fai lana tala, "O i leitio la a faapea iuga o le tama i lenei po…la le ua atoa foi le masina e o mai ai i fafo latou uiga 'wolf'….a tiga a'e tagata e tau mafaufau poo le a se mea e faauma ai i le po lenei. Ua lakkkkkkki…se manu  lava o lona po oti leneeeeeeei…….!!!."