Ads by Google Ads by Google

E te fia POKA?

'ESE'ESEGA O LE FALEPUIPUI MA LE OFISA

 

O LE FALEPUIPUI….le tele lava o taimi e te nofo lava i totonu a lou poto e 8*10, a'o le GALUEGA e te nofo lava i totonu o lou ofisa i taimi uma lava e na'i le 6*8 i taimi uma se'i ia ta le 4:00 i le afiafi.

 

I TOTONU O LE FALEPUIPUI…e faatolu ona e 'ai i le aso, i le GALUEGA, e faatoa e 'ai lava pe a ta le 12:00 i lau lava tupe.

 

I TOTONU O LE FALEPUIPUI…e te alu i tua pe a lelei lau amio, i TOTONU O GALUEGA, e maua lau 'Certificate' i le amiolelei.

 

O TOTONU O LE FALEPUIPUI…o i ai alii Leoleo e tatalaina mai le faitotoa mo oe, toe loka foi le faitotoa pe a afio i totonu o lou potu, i le GALUEGA…e fai lava 'au mea e leai se tasi e tatalaina mai lau faitotoa, e tatala mai e oe e loka foi e oe.

 

I TOTONU O LE FALEPUIPUI…e te matamata lava i le TV i taaloga uma, a'o GALUEGA, e tuli oe pe e matamata TV i le taimi sese.

 

 I TOTONU O LE FALEPUIPUI…e faataga tagata o lou aiga ona o atu e asiasi ia te oe…I LE GALUEGA…e tuli oe ona pe a talanoa oe pe a talanoa i taimi e fai ai galuega o le Malo.

 

I TOTONU O LE FALEPUIPUI….o mea uma lava e totogi i tupe (taxes) a isi tagata e faigaluega..O TOTONU O LE FALE FAIGALUEGA….e te totogia lava e oe ia mea e te manao i ai, ma e tipi mai lou 'tax' pe a maua lou totogi i lou siaki, e fai ai mea e manao ai le falepuipui.

 

I TOTONU O LE FALEPUIPUI.. lua te talanoa lava ma isi Leoleo i le taimi avanoa, a'o TOTONU O LE GALUEGA….e te alu e vaai lou pule i se mea e te manao i ai.

 

I TOTONU O LE FALEPUIPUI…o le tele lava o taimi e te tilotilo mai i totonu o le pa ma e matamata i fafo, O TOTONU O LE GALUEGA….e te fai fuafua au mea uma lava ne'i te'i oe ua loka i le malosi o le tou gaoi i  mea a le MALO.

 

O LANU O OFU I LE FAAIPOIPOGA

 

Sa o i le faaipoipoga le teine o Faiaiti ma lona tina o Ellar, fai atu loa le teineitiiti i lona tina, "O le a le mea e ofu pa'epa'e ai le teine faaipoipo ?." ae fai fai le fafine, "Ona o le aso faaipoipo o le aso lea e fiafia ai le teine, o le aso e fiafia ai le teine aua o le a sa'oloto lona olaga."

 

Fesili loa le teineitiiti, "Oi ae a le mea e ofu uliuli ai le tama faaipoipo a alii tina ?." fai mai loa le fafine, "Ua oo mai le aso e faagata uma ai lona sa'oloto, ua uma le taimi na pule ai i ona tupe, o le tele foi ana mea e fai faalavelave ai, o le aiga o le fafine ma lona aiga."

 

"Ae o le a le mea e ata lava le tama faaipoipo latou ia ?." fai ma loa Ellar, "Ua oo mai lona taimi e 'OTI' e le toe fai toatasiina se mea e mano'a ai." fai mai loa le teineitiiti, "KAIMAGAIGA KELE I KAKOU O KEINE A ALII KINA ?." ae fai atu le tina, "SSSHHHH VAAI OE I LAGONA MAI E TAMALOLOA….!!!!!!!."

 

O LE ASIASIGA I LE TUUGAMAU

 

Na alu atu le isi tama e asiasi i le tuugamau a ona matua i le fanua tanu lea e i Magiagi i le isi aso lena, na uma ona ave le teu i tuugamau a ona matua, savali mai loa o le a alu, ma tepa i le isi tuugamau lena o loo tuutuli mai ai le isi faatoeaina lena.

 

Faapea lava ia o fai sana tatalo ae te'i i le faalogo atu, o faapea upu a le toeaina, "O le a le mea na oti ai…..o le a le mea na oti ai…." ia ua oso le alofa a si taulealea lea, alu atu loa ma fesili i ai i si toeaina, "Tama e leai sou feau i lou punisi, o ai le tagata maliu lea ua e augagi ma e momomo ai lou loto ?, o se atalii ea poo se toalua ea, o ai ?."

 

Fai mai loa le toeaina lea, "O le toalua muamua a lou toalua, ua ou ita i ai poo le a le mea na le tauina mai ai ia te a'u e faapela amio o le fafine lena, ua leaga faia a'e tagata i le leaga o le la ituiaga fafine."