E te fia POKA?

UA OU FIA ALU I LE FALETAELE

 

Ua o le loomatua ma lana tama i le lotu, ao faagasolo le lotu, te'i lava ua faalogoina e le tamaitiiti ua fia alu i le falemamao e pi, (tulou) fai atu loa le tama i lona tina, "Tina se ou fia alu i le faletaele ua ou fia pi.." fai atu le loomatua o Ella, "Vaai, o iinei i le falesa e le se upu mamalu le upu lena o le 'pi', ae tatau ona e fai mai e 'musumusu' ua e iloa a 'pepe'?"

 

Oo loa i le isi aso Sa o loa Etuale ma lana atalii, ua fai foi le lauga, ae fai atu le tamaitiiti i lona tama, "Daddy…!!!!! sa fia ''musumusu' lava…" ae fai mai le tamaloa o Vao, "Ia musumusu mai i lou taliga!!."

 

IA FAI SE TATALO E TALOSIA AI MEA'AI

 

Sa tumutumu le fale o le aiga i tagata o le la latou aiga i lena afiafi, ia ua oo nei i le taimi o mea'ai, mimita loa le fafine o Ella i isi tagata o le latou aiga, fai loa i ai, "Ia tago oe pepe e fai mai le tatalo o mea'ai."

 

Fai mai le teineitiiti, "E le iloa e a'u Mommy." fai atu le fafine, "Tago e fai le tatalo lea e masani ona fai e Mommy, ua galo foi ia te oe ?."

 

Ia faasaga a'e loa le teine ua fai loa le tatalo o mea'ai, "O le a ea le mea ua tumutumu soo mai ai lo matou nei fale aso uma, ae se'i o mai foi ma aumai ni mea'ai i le suafa o le Tama, Amene."

 

E amene ane le lotu, ua leai ni tagata o toe nonofo mai i le laulau 'ai, ua toe o uma tagata i le fietai i le tatalo a lenei teineitiiti, ia o lava ma fai mai, "Magaia lava gutu o le nofotane i le olo i lalo i 'floor'.. le le ua aliali lava le 'aiuu, e fiu a gaga la moa e aliali mai lava, e vaai i ai poo a gei ituaiga kakalo na nofo 'ao'ai ai lana kama guku kele la…..!!!!."

 

MOSE MA NUU O ISARAELU

 

Fesili mai le faiaoga Aso Sa, "O le a le mea na umi ai ona faataamilo ai e Mose le nuu o Isaraelu ?." Tali atu loa le isi teineitiiti, "Leaga ua le malie i ai le Atua i le latou le usita'i.

 

Ia fai loa le faiaoga, "Patipati uma mai i le tali o Fiaaiti." ua patipati uma tamaiti o le vasega, ae o le la e si'i mai le lima a le tama o Vao JR, sa tu'u ai loa le avanoa e le faiaoga aso Sa.

 

Fai mai loa le tali a Vao JR, "Ua alai ona faataamilomilo umi e Mose, leaga lea ua ita Mose i le tagata lea na nofo ma nana lana to'oto'o….!!!!!."

Comment Here