Ads by Google Ads by Google

E te fia POKA?

TAAGULU TELE OE

 

Na alu le málaga a le kalapu 'ava i le isi aso i tua i Siumu i le 'Sinalei' e tafafao ai ma fai ai loa le tonu, e sili ai le faatonu o se potu i moe ai Atamu ona o le taagulu tele, ae fai mai le isi 'au laiti e avatu latou te potu.

 

Ua mumusu le kalapu 'Ava i le toe alu foi se isi tupe pe a totogi le se isi potu, ae na ofo mai 'au laiti e avatu la latou te potu, ia ua oo i le po muamua i le Sinalei, ua le maua se moe a le 'au laiti ia i le po atoa i faiga lava o le taagulu a Atamu.

 

Ua malama nei le taeao o le aso na sosoo ai, e o mai e inu i le ti, na'o Atamu e ala fiafia mai, ae o mai le 'au laiti na latou potu e lei taitai ona tea le fia momoe, i faiga a le taagulu a Atamu.

 

Ua alu le po atoa ua na o le nonofo nei ma tau fai titilo uma i le moe a Atamu, ua leai ma se isi na toe mafai ona moe i le taagulu leo tele o le tamaloa lea.

 

Ae le gata foi i le leo tele o le taagulu, ae ua le mafai ona moe se isi i le faiga o le noo, e leua lava ma faapapa faga i taimi uma lava e fuli ai.

 

Sa toe oo i le isi po, ua o mai uma i le potu e tasi ua faaofiofi ai ae tiai na o Atamu i lana potu talu ai le leo tele o lana taagulu, fai mai loa le amio valea lea Peteru, "Ia aumai la ia te 'au, oute alu ma te momoe ma Atamu." ia alu loa Peteru i le potu na moe ai Atamu.

 

Sa talie uma le latou kalapu 'Ava i le mea o le oo i si tama o Peteru i lena po.

 

E malama mai le taeao, tetei le kalapu 'Ava i le savali mai o Peteru o tagata na malie lelei ana moe, ae sau le tamaloa o Atamu o le tagata lava e lei moe i le po atoa.

 

A tali mai le amio valea lea o Peteru, "Na oo loa i le taimi na ou fia moe ai, tape le moli o le potu ou savali atu loa ia le mea na moe ai Atamu o'u savali i le matuai faa-kisi ma Atamu, pei o le a e ala ae i luga ma tau autilotilo solo le tagata lea na faia le mea valea lea ia ia, e ao lava le mea e lei toe moe i popole foi nei toe moe atu, ae toe faa-kisi foi ia e se tagata."

 

MANATUA SI OU USO

 

Na uma loa ona falai panikeke a le fafine o Ruta, ave loa i luga o le laulau 'ai ae alu e fufulu ana ipu, ma le faalogo mai ua misa atu lana fanau i panakeke.

 

Masau mai loa le fafine fai atu loa i lana fanau, o Aperaamo e 5 tausaga ma Isaako e 3 tausaga, ua maua lelei lava ma le avanoa e fai ai ana lesona i lana fanau, fai atu loa i tamaiti, "Ana o Iesu lea e nofo iinei semanu ua fai atu i lana uso, tausami ma oe panikeke lena, o le mea e iloa ai le alofa o le isi uso i le isi ona uso."

 

Ia uma le tala a le tina, ia faasaga mai loa le tama o Isaako, fai atu loa ia Aperaamo, "Lou uso o Aperaamo e, ia faalogo lelei i le tala na faamatala mai e Mommy, ia avea ia oe ma Iesu i lenei aso….!!!!!." e fai lava tala nei ma tago atu i panikeke ai.

 

TALA I LE TAU

 

Na o i le aso lena le 'au vaega lea e pue ia ata tifaga i tua i le isi nuu i tua, na alu ai ma le Initia Amerika o Noa, e te'i le 'director' i le masau atu o le Initia ma fai mai, "E timu taeao."

 

E malama ae le taeao ua pau le timuga tele lava, ia oo i le afiafi ua te'i foi i le savalivali mai o le Initia, ma fai mai, "E afa nei taeao, ae leai se isi e popole ai." malama ae lava le taeao, ua afa ae le afa tele.

 

Sa ofo nei le 'director' i le vavalo o le Initia o Noa, fai atu loa le 'director' i le tamaloa na e pule i tagata faigaluega, "Paulo e sili pe a 'hire' nei le toeaina Initia lea e vavalo, e sau e fai ia ma tatou vaai tau."

 

Ua uma nei ona 'hired' e Paulo, e sau ma te vaaia le tulaga o le tau i lea aso ma lea aso, e tasi le vaiaso ua le toe sau, ua atoa lelei le lua vaiaso e lei toe vaaia le Initia, ae tei ua oo i le aso lena na sau ai, fai atu loa le Director i le Initia, "Sole a e alu faapena ua tuai ona faauma le pueina o le ata, lenei lava e faatalitali atu lava ia oe ?."

 

"O le a sau valoaga e fai mo le tau a taeao ?." ae fai mai le toeaina o Noa, ma faamimiga i luga ana tauau, "Tailo…" fai mai loa le 'director' "O i o le mea na 'hired' maiai oe, e a e sao au ?." ae tali faalii mai le toeaina, "LEAGA UA LEAGA LOU LEITIO LEA NA OU ILOA AI TALA O LE TAUUUUUU….!!!!!!."